Роман Шәйхетдинов Югары Ослан муниципаль районы ветераннарын Җиңү көне белән котлады
Татарстан Республикасы Премьер-министры урынбасары Роман Шәйхетдинов һәлак булган сугышчылар һәйкәленә чәчәкләр салды һәм Югары Осланда Бөек Ватан сугышында Җиңүнең 79 еллыгына багышланган тантаналы митингта катнашты.
Роман Шәйхетдинов тантанага килгән район ветераннарын бәйрәм белән котлады һәм аларга Татарстан Республикасы Рәисе Рөстәм Миңнеханов исеменнән котлау сүзләрен укыды: «Бу бәйрәмдә без сугышта һәлак булганнарны, ачлыктан, концлагерьларда газапланудан үлгәннәрнең якты истәлеге алдында баш иябез һәм хәзерге вакытта исән булган катнашучыларга һәм шул коточкыч сугыш шаһитларына хөрмәт күрсәтәбез. Сезгә чын күңелдән рәхмәт сүзләре, кадерле ветераннар, без сезнең белән горурланабыз һәм сокланабыз! Һәр көнегез сезнең туганнарыгызның һәм якыннарыгызның игътибары һәм кайгыртуы, яратуы белән тулсын! Рух күтәренкелеге һәм озын гомер! Барыгызга да, кадерле татарстанлылар, тынычлык, бәхет, сәламәтлек һәм иминлек телим! Бәйрәм белән! Бөек Җиңү Көне белән!»
Тантаналы митингта шулай ук Югары Ослан муниципаль районы башлыгы урынбасары Сергей Осянин, районның хәрби комиссары – подполковник Рәшит Фәсхетдинов, МХОдә катнашучы Андрей Комлев, җирле вокал һәм хореография коллективлары чыгыш ясады.