Рөстәм Нигъмәтуллинның Халыкара наркотикларга каршы көрәш көне уңаеннан мөрәҗәгате
Татарстан Республикасы Премьер-министрының беренче урынбасары, Татарстан Республикасында наркотикларга каршы комиссия рәисе урынбасары Рөстәм Нигъмәтуллинның Наркотикларны явыз ният белән куллануга һәм аларның законсыз әйләнешенә каршы Халыкара көрәш көне уңаеннан мөрәҗәгате.
"Ел саен 26 июньдә дөнья җәмәгатьчелеге, наркоманиядән азат халыкара җәмгыять булдыру максатына ирешү өчен эшчәнлекне һәм хезмәттәшлекне көчәйтергә тәвәккәллеген белдереп, Наркотикларны явыз ният белән куллану һәм аларның законсыз әйләнеше белән көрәшү халыкара көнен билгеләп үтә. Наркотиклар бөтен инсани дөнья проблемасына әверелде. Күз яшьләре, кайгы һәм сызлану, меңләгән һәлак булган гомерләр һәм җимерелгән гаиләләр – менә наркотик җинаятьчелек безгә нәрсәләр китерде. Наркоманияне безнең гасырның иң куркыныч күренеше дип атарга мөмкин. Аның мәкерле ятьмәсенә көннән-көн күбрәк кешеләр эләгә, алар проблемалардан һәм стресстан качарга тырыша. Ләкин мондый „качу“ның бәяһасе бик аяныч була, һәм эксперимент нәтиҗәләре күпчелек очракта кире кайтарылмаслык булып чыга. Наркотикларның законсыз әйләнешенә каршы көрәш буенча халыкара җәмәгатьчелек тырышлыкларының активлашуына карамастан, наркомания халык сәламәтлегенә, аның иминлегенә һәм кешеләрнең, бигрәк тә яшьләрнең иминлегенә җитди куркыныч тудыра. Безнең һәрберебезнең актив тормыш позициясе һәм наркоманиягә каршы көрәштә килешмәүчәнлек бер генә гомерне дә саклап калмаячак. Бергәләп кенә без якыннарыбызның иминлеген һәм сәламәтлеген яклый алабыз!».