Казанга БРИКС саммитында катнашу өчен Венесуэла Президенты Николас Мадуро килде

2024 елның 22 октябре, сишәмбе

Казанга БРИКС саммитында катнашу өчен Венесуэла Президенты Николас Мадуро килде. Халыкара аэропортта аны Татарстан Премьер-министры Алексей Песошин каршы алды.

БРИКС саммиты Казанда 22-24 октябрьдә уза. БРИКС - 2006 елда төзелгән дәүләтара берләшмә. Россия, Бразилия, Һиндстан, КХР һәм Көньяк Африка Республикасыннан тыш, быелның гыйнварыннан аңа шулай ук Мисыр, Эфиопия, Иран, Берләшкән Гарәп Әмирлекләре һәм Согуд Гарәбстаны керә.