Дмитрий Рогозин Татарстан Республикасы территориясендә урнашкан оборона-сәнәгать комплексы предприятиеләре экспозицияләре белән танышты

2013 елның 24 октябре, пәнҗешәмбе
Бүген Россия Хөкүмәте рәисе урынбасары, Россия Хөкүмәте каршындагы Хәрби-сәнәгать комиссиясе рәисе Дмитрий Рогозин Татарстан Республикасында урнашкан оборона-сәнәгать комплексы предприятиеләренең күргәзмәләре белән танышты.

Күргәзмә “Казан вертолет заводы” ААҖ җитештерү цехларының берсендә урнашкан иде. Дмитрий Рогозинны ТР Премьер-министры Илдар Халиков, ТР Премьер-министры урынбасары-ТР сәүдә һәм сәнәгать министры Равил Зарипов, “Казан вертолет заводы” ААҖ генераль директоры Вадим Лигай озата йөрде.

Дмитрий Рогозин “Кулланма оптика дәүләт институты” ФҖБ” (“НПО ГИПО”) стендында “Швабе” ААҖнең инжиниринг үзәген булдыру проекты белән танышты.

Казан федераль университет экспозицияләренең берсе радиофизика кафедрасы эшләренә багышланган иде.

“ICL-КПО ВС” ААҖнең генераль директоры Виктор Дьячков мәгълүмат технологияләре тармагы өчен кадрлар сайлау һәм әзерләү буенча ИТ-предприятиеләр тәҗрибәсен тәкъдим итте.

“Казан вертолет заводы” ААҖнең үсеш перспективалары турында вертолет заводы стендында предприятиенең генераль директоры Вадим Лигай сөйләде.

Дмитрий Рогозин шулай ук “ПОЗИС” ААҖ һәм “Казан дәүләт казна дары заводы” экспозицияләрен карады.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International