Илдар Халиков “Сетевая компания” Директорлар Советы утырышын уздырды

Бүген ТР Министрлар Кабинетында Татарстан Республикасы Премьер-министры Илдар Халиков рәислегендә “Сетевая компания” ААҖнең Директорлар Советы утырышы узды.

Утырышта 2013елның 9 ае өчен компаниянең капиталь төзелеш планының үтәлеше нәтиҗәләре каралды. План үтәлешенең көтелгән күләме 96% тәшкил итә.

Директорлар Советы тарафыннан компаниянең 2013-2014елларның көзге-кышкы чорына әзерлеге буенча барган чараларның үтәлеше каралды. Әзерлек планына кергән барлык чаралар да үтәлгән.

Татарстан Республикасы кулланучыларына хезмәт күрсәтүдә ирешелгән дәрәҗәне күтәрү Директорлар Советы тарафыннан компания эшчәнлегенең өстенлекле юнәлешләреннән берсе буларак билгеләнгән. Компаниянең “бер тәрәзә” моделе буенча кулланучыларга хезмәт күрсәтү системасын оештыру турында мәсьәлә каралган. Кулланучылар белән мөнәсәбәтләр идарәсе сыйфатын күтәрү өчен CRM-системасын гамәлгә кертү планлаштырыла. Бу планнарны гамәлгә ашыру “Сетевая компания” ААҖ хезмәтенең кулланучылар өчен ачыклыгын һәм мөмкинлеген күтәрә.

Директорлар Советы тарафыннан Советның эш планы һәм функциональ вазифалар бүленеше расланды, Аудит буенча комитет әгъзалары, Кадрлар һәм бүләкләүләр буенча комитет әгъзалары һәм Директорлар Советының инновацияләр буенча комитет әгъзалары сайланды.