ТР Хөкүмәте Йортында республикада «Беренчеләр хәрәкәте"нең киләчәк үсешенә багышланган брифинг узды
Бүген ТР Хөкүмәт Йортында узган брифингта Татарстанда «Беренчеләр хәрәкәте» Россия балалар һәм яшьләр хәрәкәтенең киләчәк үсеше планнары турында сөйләделәр.
Быел Россиядә Бөек Ватан сугышында Җиңүнең 80 еллыгы билгеләп үтелә, шулай ук ул Ватанны саклаучылар елы химясе астында уза. «Беренчеләр хәрәкәте»ндә катнашучылар Татарстанда узачак чараларда актив катнашачаклар. 9 Майда Җиңү Парадында Татарстанның «Беренчеләр хәрәкәте» егетләре үз колонналары белән узачак, дип хәбәр итте ТР Рәисе ярдәмчесе, оешманың төбәк бүлеге җитәкчесе Тимур Сөләйманов.
"Беренчеләр хәрәкәте"нең 9 майда Казанда да, Татарстанның кайбер районнарында да үзенең парад расчеты булачак. Егетләр саны турында без әлегә фикер алышабыз, әмма стандарт зурлыкка тукталырбыз дип уйлыйм – 64 кеше", - дип сөйләде ул.
"Беренчеләр хәрәкәте" шулай ук берничә тематик чара оештыра. Шуларның берсе МХОдә катнашучыларның гаиләләре өчен «Туганнар – Яратканнар» форумы булачак. "Без МХОдә катнашучыларның 300 гаиләсен җыярга планлаштырабыз. Балалар өчен мастер-класслар оештырылачак, шулай ук спектакль күрсәтеләчәк. Ә ата-аналар өчен - экспертлар белән очрашу, аларны кызыксындырган теләсә нинди сорауларга җавап бирәчәк», - диде Т. Сөләйманов. Моннан тыш, МХОдә катнашучыларның балалары өчен лагерь сменасы оештырылачак, анда аларга «Беренчеләр хәрәкәте» эшчәнлеге турында җентекләп сөйләячәкләр.
Татарстан «Беренчеләр хәрәкәте» балалар бакчалары белән эшли башлаган Россиянең беренче төбәге булды. Бу юнәлештә яңа проект – «Беренчеләрнең әкиятләре», диде Тимур Сөләйманов. "Без методистлар белән бергә җыентык эшләдек. Әкиятләрне мәктәп укучылары балалар бакчаларында курчак спектакле форматында сөйләячәкләр. Геройлар Идел буе халыклары фольклорындагы персонажлар булачак. Шунда ук республикада «Беренчеләр хәрәкәте» символы – безнең Барсик интеграцияләнәчәк, ул әкият геройларына авыр ситуацияләрдән чыгарга ярдәм итәчәк», – дип хәбәр итте ул.
Әкиятләр рус һәм татар телләрендә әзерләнгән. Айга ике тапкыр «Беренчеләр хәрәкәте»ндә катнашучы укучылар шефлыкка алынган балалар бакчаларына (хәзер алар Татарстанда 160) барып, шундый спектакльләр күрсәтәчәкләр, дип өстәде Т. Сөләйманов.
Кечкенә балалар өчен тагын бер проект «Куркынычсызлык әлифбасы» булачак. Бу яңа укый башлаучылар өчен гыйбрәтле тарихлы җиде китаптан торган серия. "Бу яшьтә балаларга барысы да кызык, әмма бер үк вакытта файдалы да, бала өчен аңлаешлы да китап янәшәдә генә булмый. Без проектны җәй көне үк тулысынча тәкъдир итәргә әзер булырбыз дип уйлыйм", - дип аңлатты ул.
ТР яшьләр эшләре буенча министрның беренче урынбасары Софья Галиева-Мостафина хәбәр иткәнчә, киләсе җәйдә Татарстаннан «Беренчеләр хәрәкәте»ндә катнашучы 5 меңнән артык кеше балалар лагерьларында ял итәчәк. "Алар 26 стационар лагерьда, 29 көндезге лагерьда һәм өч палаткалы лагерьда ял итәчәк", - дип билгеләде ул. Сменаларны оештыруга әзерлек апрельдән үк башланачак. Барлык сменалар да «Бберенчеләр хәрәкәтенә" методик ярдәм белән тәэмин ителәчәк.
Тимур Сөләйманов шулай ук Малайзиядә халыкара лагерь сменасын үткәрү турындагы сөйләшүләрнең нечкәлекләре турында сөйләде. "Без Малайзия белән халыкара лагерь сменасын уздыру өчен уңайлы вакыт турында фикер алышабыз. Без үзебездән көзге каникуллар тәкъдим итәбез. Бу безнең өчен балаларны конкурска әзерләү һәм сайлап алу өчен, шулай ук климат шартлары ягыннан уңайлы вакыт", - дип билгеләде ул.
Сменада катнашу өчен ачык сайлап алу үткәреләчәк, анда яшүсмерләрнең халыкара дипломатия клубларында катнашуы төп критерийларның берсе булачак, алар Татарстанның «Беренчеләр хәрәкәте»нең башлангыч бүлекләре базасында эшлиләр.
Хәрәкәтне булдыру турындагы Указны 2022 елның җәендә Россия Президенты Владимир Путин имзалады. «Беренчеләр хәрәкәте» бөтенроссия оешмасының Татарстан бүлеген республиканың элеккеге Яшьләр министрлыгы башлыгы Тимур Сөләйманов җитәкләде. «Беренчеләр хәрәкәте» белән берлектә эшләячәк Республика координация советын төзү турындагы Указга 2023 елның 14 февралендә Татарстан Рәисе Рөстәм Миңнеханов кул куйды.