Татарстан Премьер-министры Алексей Песошин һәм Татарстан Рәисе Администрациясе Җитәкчесе Әсгать Сәфәров Лисичанск һәм Рубежное шәһәрләрендә булдылар

2025 елның 1 апреле, сишәмбе

Бүген Татарстан Республикасы Премьер-министры Алексей Песошин һәм Татарстан Рәисе Администрациясе Җитәкчесе Әсгать Сәфәров шефлыкка алынган Лисичанск һәм Рубежное шәһәрләрендә булдылар. Эш сәфәре Татарстан Рәисе Рөстәм Миңнеханов кушуы буенча уза.

Татарстан вәкилләре объектларда торгызу эшләренең барышы белән таныштылар. Аерым алганда, Рубежноеда мәктәп һәм хастаханәнең азык-төлек блогындагы эшләрнең барышын тикшерделәр. Лисичанскта күп фатирлы йортларда, гомуми белем бирү мәктәбендә, шулай ук балалар сәнгать мәктәбендә капиталь ремонт бара.

Татарстан делегациясе әгъзалары социаль объектларны һәм торак йортларны җылылык белән тәэмин итүче котельняда торгызу эшләренең барышын бәяләделәр.