Татарстан Премьер-министры Алексей Песошин Россия венчур форумы-2026га әзерлек һәм аны үткәрү буенча оештыру комитеты утырышында катнашты
Бүген 2026 елның 8-10 апрелендә Казанда узачак 20 нче, юбилей, Россия венчур форумына әзерлек һәм аны уздыру буенча оештыру комитетының өченче утырышы булды. Чара Россия Федерациясе Фән һәм югары белем министры Валерий Фальков рәислегендә узды.
Оештыру комитеты утырышында видеоконференцэлемтә режимында Татарстан Республикасы Премьер-министры, форумны оештыру комитеты рәистәше Алексей Песошин, ТР Фәннәр академиясе президенты Рифкать Миңнеханов, ТР Инвестиция-венчур фонды директоры Дамир Галиев һәм федераль һәм төбәк ведомстволары, үсеш институтлары һәм партнерлык оешмалары вәкилләре катнашты.
Утырышта катнашучылар форумга әзерлекнең барышы, эшлекле программа, халыкара партнерлар һәм компанияләр катнашуы, күргәзмә экспозициясе, башка оештыру һәм инфраструктура мәсьәләләре турында фикер алыштылар.
Татарстан Республикасы Инвестиция-венчур фонды директоры Дамир Галиев чарага әзерлекнең агымдагы статусы турында нотык белән чыгыш ясады. Ул хәбәр иткәнчә, 2026 елда форум егерменче тапкыр узачак, ә аның төп темасы технологик лидерлык булачак.
Татарстан Республикасы Премьер-министры, РВФ оештыру комитеты рәистәше Алексей Песошин билгеләп үткәнчә, форум тәҗрибә уртаклашу һәм инвестицияләр җәлеп итү мәйданчыгына гына түгел, ә дәүләт билгеләгән фән һәм технологияләр үсешенең өстенлекле юнәлешләрен гамәлгә ашыруга ярдәм итүче илкүләм инновацион экосистеманың төп өлешенә дә әверелә.
Оештыручылар ассызыклаганча, форум өч көн белән генә чикләнми: чара тәмамланганнан соң акселерация программалары өчен проектларны сайлап алу башланачак, инвестиция клубы эше дәвам итәчәк.
XX Россия венчур форумы-2026ны уздыру тарихында иң эре форум булырга һәм яңа технологик проектлар һәм инвестицион партнерлыкларны эшләтеп җибәрү өчен стартапларны, инвесторларны, корпорацияләрне һәм инновацион инфраструктура вәкилләрен берләштерергә тиеш.
Эшлекле программаның яңа форматлары каралган: панель дискуссияләрдән, инвесторлар һәм стартаплар өчен ябык инвестиция сессияләреннән алып «Биоикътисад» һәм «Креатив индустрияләр» юнәлешләре буенча махсуслаштырылган чараларга кадәр. Программада беренче тапкыр фэмили-офислар катнашындагы панель - финанслар һәм гаилә активларына идарә итүнең махсуслаштырылган структуралары, технология секторына турыдан-туры инвестицияләр өчен.
Шулай ук форумда беренче тапкыр яшьләр көне узачак.
Оештыру комитеты утырышы барышында билгеләп үтелгәнчә, Россия венчур форумы перспективалы проектлар кызыксынган инвесторлар, шәхси фондлар, үсеш институтлары яки Россия икътисадының киләчәгенә инвестицияләр кертергә әзер булган эре бизнес вәкилләре белән очраша алачак платформа булырга тиеш.
Форумны оештыручылар: Татарстан Республикасы Инвестиция-венчур фонды, Венчур инвестицияләү ассоциациясе (РАВИ), цифрлы үсешкә ярдәм итү Ассоциациясе, «Идея» инновацион технопаркы, Россия Федерациясе Фән һәм югары белем министрлыгы һәм Россия Федерациясе Икътисадый үсеш министрлыгы ярдәмендә.