Рөстәм Миңнеханов татарстанлыларны Дәүләт флагы көне белән котлады
Бүген Россия Федерациясенең Дәүләт флагы көне билгеләп үтелә. Татарстан Республикасы Хөкүмәте Йортында узган республика киңәшмәсендә Татарстан Рәисе Рөстәм Миңнеханов татарстанлыларны котлады. Киңәшмә республиканың муниципаль районнары белән видеоконференцэлемтә режимында узды. Анда ТР Премьер-министры Алексей Песошин һәм ТР Дәүләт Советы Рәисе вазифаларын башкаручы Марат Әхмәтов катнашты.
"Россия халыклары бердәмлеге елында бу бәйрәм аерым мәгънәгә ия. Россиянең Дәүләт флагы илебездә һәм аннан читтә яшәүче миллионлаган гражданнарны берләштерә, безнең бердәмлегебезне һәм теләктәшлегебезне күрсәтә. Безнең бурычыбыз - ихластан данлау, Дәүләт символларын саклау, Ватанга тугры булу", - дип ассызыклады Рөстәм Миңнеханов.
Бүген республикада гадәттәгечә тематик чаралар, танып белү һәм уен активлыгы, өч төсле тасманы тарату үткәрелә. Татарстан Рәисе муниципаль берәмлекләр башлыкларына чараларны оештыруда ярдәм күрсәтергә һәм кирәкле куркынычсызлык чараларын тәэмин итәргә кушты.