Илдар Халиков фәнни җәмәгатьчелек вәкилләрен Россия фәне көне белән котлады

Россия фәне көне белән фәнни җәмәгатьчелек вәкилләрен Татарстан Республикасы Премьер-министры Илдар Халиков котлады.

“Татарстан Республикасы Президенты Рөстәм Миңнеханов, Татарстан Республикасы Хөкүмәте һәм шәхсән үз исемемнән сезне һөнәри бәйрәмегез – Россия фәне көне белән котлыйм,- диелә мөрәҗәгатьтә.
-Безнең республика Россия фәне картасында үсеш полюсларының иң перспективалыларының берсе ролендә. Шул сәбәпле Татарстанның көчле фәнни-техник потенциалы безнең тарафтан төбәкнең төп конкурентлы өстенлекләре сыйфатында карала.

Мондый нәтиҗәләргә фәнни эшләр һәм тикшеренүләрне стимуллаштыручы төпле һәм прагматик дәүләт сәясәтен уздыру аркасында ирешергә мөмкин булды, дип уйлыйм. Аның концептуаль нигезләре, принцип һәм юнәлешләре Татарстанның фәнни һәм инновацион эшчәнлеге үсешенең стратегиясенә салынган, ул Татарстанның беренче Президенты указы белән расланган.

Бу документта каралган таләпләрне эзлекле гамәлгә ашыру хисабына, фәнни оешмаларның саны төбәк территориясендә даими рәвештә арта. Алар арасында – күп санлы академик, югары уку, тармак һәм корпоратив профилендәге учреждениеләр, без Татарстанда фән һәм технология өлкәсенең барлык билгеле тармаклары нәтиҗәле эшли, дип тулы ышаныч белән раслый алабыз.

Сер түгел, фундаменталь һәм гамәли тикшеренүләрнең нәтиҗәлелеге, тикшеренү процессларының тулысынча һәм үз вакытында финанслар белән ничек тәэмин ителүенә бәйле. Соңгы елларда федераль һәм республика бюджеты акчасы хисабына гамәлгә ашырыла торган, фәнни эшчәнлеккә тотылган эчке чыгымнар 10 тапкыр артты.

Фәнни комплексның финанс базасын киңәйтү кадрлар мәсьәләсендә дә чагыла, республикада фәнни персоналның саны ышанычлы үсешне күрсәтә. Федераль һәм республика хакимияте органнарының уртак көче белән булдырылган заманча фәнни-инновацион инфраструктура, проектлар, безнең галимнәрнең фикерләре һәм башлангычлары өчен нык материаль-техник фундамент барлыкка китерә.

Татарстанның фәнни эшләр һәм тикшеренүләр өлкәсе инновацион процессларның читендә була алмый, киресенчә ул алдан барырга, драйвер ролен уйнарга сәләтле.

Быел безнең алда күп бурычларны чишү тора, һәм без аларның һәркайсын дискуссия, диалог һәм фикер алышу рәвешендә хәл итәрбез.

Татарстан Республикасының барлык фәнни җәмәгатьчелегенә уңышлар, яңа иҗади казанышлар һәм атаклы фәнни нәтиҗәләр телим! Сезне сәламәтлек һәм оптимизм, иҗади дәрт, үз көчегезгә һәм хезмәттәшләрегез ярдәменә ышаныч ташламасын!

Татарстан Республикасы Премьер-министры Халиков И.Ш.”.