Алексей Песошин Баулы районы Советы сессиясендә катнашты

Бүген Баулы муниципаль район Советы утырышы булды, ул 2013 елдагы социаль –икътисади үсеш нәтиҗәләренә һәм 2014 елга куелган бурычларга багышланган иде. Аның эшендә Татарстан Республикасы Премьер-министры вазыйфаларын башкаручы Алексей Песошин катнашты.

Утырыш алдыннан республика министрлыклары һәм ведомсволары вәкилләре өчен Баулы шәһәренең җылылык хуҗалыгы объектлары буенча экскурсия оештырылган иде.
2006-2008 елларда шәһәрнең җылылык хуҗалыгы тулысынча реконструкцияләнгән, бу чыгымнарның шактый кимүенә мөмкинлек биргән.

Алексей Песошин һәм калган кунаклар шулай ук Баулы эшмәкәрләре җитештергән продукция күрсәтелгән күргәзмә белән таныштылар.

Баулы районы Советы утырышының көн тәртибенә бер мәсьәлә куелган иде – район башлыгы Альберт Хәбибуллинның 2013 елдагы социаль-икътисади үсеш нәтиҗәләре һәм 2014 елга куелган бурычлар турындагы отчеты. Үзенең докладында ул, тулай төбәк продукты узган ел 20,3 млрд сум тәшкил иткән һәм 2,2%ка арткан, нефть сәнәгатенең өлеше 64,9% тәшкил итүен белдерде.
Уртача хезмәт хакы 2013 елда узган елга караганда 19,2%ка арткан һәм 23814 сум тәшкил иткән.

Алексей Песошин утырышта катнашучыларга республикадагы икътисади хәл турында мәгълүмат бирде. Ул торак йортлар төзелеше, торак йортлар һәм мәктәпләргә ремонт ясау, социаль-мәдәни һәм көнкүреш объектлары төзелеше турындагы программалар турында сөйләде.

Утырыш тәмамланганда Алексей Песошин муниципаль хезмәт ветераны Румия Шәфиковага “Татарстан Республикасында җирле үзидарәне үстергәне өчен” медален һәм “Кызыл-Яр” ҖЧҖ директоры Фәрит Фәтхетдиновка РФ Авыл хуҗалыгы министрлыгының рәхмәт хатын тапшырды