Татарстан Республикасы Хөкүмәте

Алексей Песошин Лаеш районы сессиясендә катнашты

2014 елның 25 феврале, сишәмбе

Бүген Лаеш районы Советының егерме алтынчы сессиясендә катнашкан ТР Премьер-министрының беренче урынбасары Алексей Песошин Лаеш районы үсешен билгеләп үтте.

Районның динамик үсеше узган елда район ирешкән күрсәткечләрдән күренә. Алар турында район башлыгы Михаил Афанасьев доклад ясады. Муниципаль берәмлекләр һәм шәһәр округларының социаль-икътисади үсеше рейтингында район беренче урында, Татарстанның барлык муниципалитетларының гомуми йомгаклау рейтингында Казан һәм Әлмәт районыннан кала өченче урында.

Район башлыгы сүзләренчә, тулай төбәк продукты 6,6%ка арткан һәм 13 млрд сум тәшкил иткән. Район үсешендә инвестицияләр зур роль уйный. Моңа район территориясендә гамәлгә ашырылган федераль, республика һәм коммерцияле проектлар булыша. Узган ел Татарстан Президенты Рөстәм Миңнеханов катнашында “СМАРТ Сити Казан” проектының беренче ташын салу тантанасы булды. Инвестицияләр күләме якынча 400 млрд сум тәшкил итә. Агымдагы елда беренче ике млрд сумны “Иннополис” махсус икътисади зона участогы территориясендә үзләштерү планлаштырылган.

Утырышны йомгаклап Алексей Песошин Лаеш районының инвестицияләр җәлеп итү өстенлеген билгеләде.

Сессия тәмамланганда дәүләт бүләкләре тапшырылды.

Лаеш муниципаль районының “Кама ягы” газетасы редакциясе

ВИДЕОРЕПОРТАЖНЫ КАРАУ ВИДЕОРЕПОРТАЖ ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ

ВИДЕОРЕПОРТАЖНЫ КАРАУ ВИДЕОРЕПОРТАЖ ФОТОРЕПОРТАЖНЫ КАРАУ Фоторепортаж