Илдар Халиков Монреальда Pratt&Whitney заводында булды

Татарстан Премьер-министры бүген Pratt&Whitney заводында (Монреаль, Канада) булды.

Pratt&Whitney компаниясе вәкиле кыскача презентацияләү белән чыгыш ясады, ул компаниянең барлыкка килү тарихы һәм аның дөнья базарына керүе турында сөйләде.

Pratt&Whitney – гражданнар һәм хәрби авиация өчен авиация двигательләре җитештерүче, хәзерге вакытта United Technologies корпорациясенең бер өлеше булып тора. Компания Rolls-Royce һәм General Electric белән бергә авиадвигательләр җитештерүче “зур өчлеккә” керә. Компания бүгенге көндә 6 меңнән артык эш урыны белән тәэмин итүче, Канаданың төп эш бирүчеләренең берсе санала.

Барлыгы дөньяның 195 илендә 10 меңнән артык филиалы бар. Pratt&Whitney компаниясе очкыч аппаратлар җитештерүче Cessna, Bombardier, Eurocopter, ATR 72 кебек иң зур 30 компания белән хезмәттәшлек итә.
Мәсәлән, Канада заводында эшләнгән двигательләр Татарстан Республикасының “Казан вертолет заводы” ААҖ нә Ансат вертолетын җыю өчен кайтарыла.

Алга таба Татарстан Республикасы делегациясенең эшлекле очрашулары Торонтода дәвам итәчәк.