Илдар Халиков Торонтода “МаРс Дискавери Дистрикт” фәнни-тикшеренү оешмасында булды

Бүген Татарстан Республикасы Премьер-министры Илдар Халиков Торонтода “МаРс Дискавери Дистрикт” (MaRS Discovery District, медицина, технология, инженерлык һәм мәгълүмати фәннәр ассоциациясе) фәнни-тикшеренү оешмасында булды.

“МаРс Дискавери Дистрикт” коммерцияле булмаган фәнни-тикшеренү оешмасы, ул Торонтоның үзәк өлешендә, Дискавери районында урнашкан. Бу оешма медицина өлкәсе белән катнаш фәнни өлкәләрдә тикшеренүләр, шулай ук мәгълүмати технологияләр өлкәсендә экспериментлар уздыра.

“МаРс Дискавери Дистрикт” фәнни-тикшеренү оешмасының халыкара хезмәттәшлек буенча юнәлеш җитәкчесе – директор Эрл Миллер кунакларны сәламләде. Һәм шулай ук, Татарстанның мәгариф өлкәсендә зур уңышларга ирешүен билгеләп үтте.

Миллер әфәнде “МаРс Дискавери Дистрикт” оешмасының барлыкка килү тарихы турында сөйләгәндә, хәзер компания 1910-1913 елларда төзелгән тарихи бинада урнашу фактын әйтеп узды. Нәкъ монда инсулин уйлап табылган һәм беренче инъекция ясалган. 1923 елда инсулинны ачкан өчен Фредерик Бантингка һәм Джон Маклеодка физиология һәм медицина өлкәсендә Нобелев премиясе бирелгән.

Хәзер үзәк мәйданнарында фәнни лабораторияләр, офис биналары һәм бизнес-инкубаторлар урнашкан.
Мәгълүмати технологияләр өлкәсендә тикшеренүләр уздыручы компанияләргә бер елдан дүрт елга кадәр ярдәм күрсәтелә.
2013 ел өчен җәлеп ителгән инвестицияләрнең гомуми күләме 750 млн Канада долларын тәшкил иткән, 3700 яңа эш урыннары булдырылган.

Татарстан Республикасы делегациясе медицина өлкәсендә тикшеренүләр алып баручы шәхси компанияләр урнашкан лабораторияләрне карады. Алга таба алар ИТ-технологияләр өлкәсендә тикшеренүләр алып бара торган МаRs Commons бүлегендә булдылар.

“МаРс Дискавери Дистрикт” - венчур идеяләр һәм аларны гамәлгә ашыру арасында күпер булдыручы уникаль проект, диде Илдар Халиков, фәнни-тикшеренү үзәк белән танышуга йомгак ясап. “Без моңа һичшиксез өйрәнәчәкбез”, - дип ассызыклады ТР Премьер-министры.