ТР сәламәтлек саклау министры Адель Вафин: Коллективларда пациентларга карата тупас, игътибарсыз һәм ихтирамсыз мөнәсәбәткә каршы шартлар тудыру мөһим

Җәмгыятьтә медицина хезмәткәрләренең һөнәри эшчәнлекләрен башкарганда җаваплылыклары турындагы тема актуальләшә бара. Бу хакта бүген ТР Сәламәтлек саклау министрлыгы коллегиясендә ведомство башлыгы Адель Вафин белдерде.

Коллегия утырышында ТР Премьер-министры Илдар Халиков, ТР Президентының социаль мәсьәләләр буенча ярдәмчесе Татьяна Ларионова, РФ Тикшерү комитетының ТР буенча тикшерү идарәсе җитәкчесе Павел Николаев, ТР прокурорының беренче урынбасары Артем Николаев катнашты.

Коллегиядә төп мәсьәлә медицина хезмәткәрләренең һәм медицина оешмалары башлыкларының һөнәри җаваплылыгын арттыру турында булды.

Һөнәри җаваплылык турында сөйләгәндә, һөнәри компетенция мәсьәләсенә тукталмый ярамый, диде Адель Вафин. Һәр елны ТР Сәламәтлек саклау министрлыгының республика аттестация комиссиясе тарафыннан 1меңнән артык табиб һәм 3,5 мең урта звено медицина хезмәткәрләренә аттестация уздырыла.
Иң югары белем дәрәҗәсен аллергологлар күрсәтте (97,5 балл), дермотовенерологлар (95,2 балл), неонанатологлар (94,5 балл).

ТР Сәламәтлек саклау министрлыгы, белгечлеге буенча 5елдан артык эш стажы булган, әмма квалификация категориясе булмаган белгечләргә мәҗбүри аттестация уздыру турында инициатива белән чыкты.

Ел саен ТР Сәламәтлек саклау министрлыгы тарафыннан 130 лап хезмәт тикшерүләре уздырыла. Хезмәт тикшерүләре прокуратура, Эчке эшләр министрлыгы структуралары соравы буенча башкарыла.


Адель Вафин, бик катлаулы эксперт очраклары булганда комиссия булдырырга кирәк, дигән тәкъдим ясады. “Без эксперт карарларын чыгарганда принципиальлек һәм объективлык ягында”, диде ул.
Соңгы ике елда 289 очракта баш табибләрнең премиясе киселгән, дисциплина җаваплылыгына 342 белгеч, ә 122 белгеч административ җаваплылыкка тартылган.

Бүген тупаслык, игътибарсызлыкны, пациентларга ихтирамсыз мөнәсәбәтне без коррупция кебек бәяләргә тиеш, диде Адель Вафин, коллективларда мондый күренешләргә каршы шартлар тудыру мөһим. Ул сәламәтлек саклау учреждениеләрендә Этика көннәре уздыруны тәкъдим итте.

Адель Вафин шулай ук республикада бик күп намуслы һәм җаваплы белгечләр эшләвен, аларның республика халкы өчен нәтиҗәле һәм сыйфатлы эшләргә әзер булуларын ассызыклады.