Павел Николаев: Суд нәтиҗәләре буенча хезмәт урынындагы җинаятьләр өчен узган елда 30 медицина хезмәткәре хөкем ителгән

Узган ел уннарча табиб һәм ТР ның медицина учреждениеләре җитәкчеләре җинаятьләре өчен җаваплылыкка тартылган. Бу хакта бүген Татарстан Республикасының Сәламәтлек саклау министрлыгы коллегиясе утырышы барышында РФ Тикшерү комитетының ТР буенча тикшерү идарәсе җитәкчесе Павел Николаев хәбәр итте.

Татарстан Республикасы Сәламәтлек саклау министрлыгы коллегиясендә төп мәсьәлә медицина хезмәткәрләренең һәм медицина оешмалары башлыкларының һөнәри җаваплылыгын арттыру турында булды.

Коллегия бүген югары медицина технологияләре үзәге бинасында узды (Казан, Оренбург тракты). Утырышта ТР Премьер-министры Илдар Халиков, ТР Президентының социаль мәсьәләләр буенча ярдәмчесеТатьяна Ларионова, ТР прокурорының беренче урынбасары Артем Николаев катнашты.

Павел Николаев үзенең төп докладында белдергәнчә, “ришвәтчелек сәламәтлек саклау өлкәсендә киң таралыш алды”.
2013елның 18 сентябрендә Совет район суды тарафыннан берничә Республика наркология диспансеры җитәкчесе гаепле дип табылган һәм 1елга һәм 6 айга шартлы рәвештә ирегеннән мәхрүм ителгән.

Ләкин ришвәтчелек һәм коррупция – без бергә аңа каршы көрәшергә тиешле проблемаларның бердәнбере генә түгел. Табибләрнең ялгышуы җитди проблема булып тора, дип билгеләде Павел Николаев. Аның сүзләренчә, узган елда табибләр ялгышы аркасында 37 пациент үлгән, ә тугызына сыйфатсыз медицина ярдәме күрсәтү сәбәпле авыр зыян китерелгән. Табибләрнең ваемсызлыгы аркасында балаларның зыян күрүе аеруча борчу тудыра. Иң куркынычы – тыныч вакытта һәм югары технологияле медицина җайланмалары һәм югары квалификацияле белгечләр булганда да балаларны югалту.

Павел Николаев шулай ук тиз медицина ярдәме күрсәтү хезмәте авыруларны төрле хастаханәләргә китереп тә, аларның кабул итемәве һәм вакытында медицина ярдәме күрсәтелмәү сәбәпле үлем очраклары булуга мисаллар китерде.

Гомумән, җинаятькә китергән хәлләр бетерелә, гаеплеләр җавапка тартыла. 2013 елда дисциплина җаваплылыгына 99 җитәкче тартылган.