Пасха бәйрәме уңаеннан Татарстан Республикасы Президенты Р.Н. Миңнеханов КОТЛАВЫ

Православие динендәге хөрмәтле ватандашлар!
Сезне Христосның Яңадан туу бәйрәме һәм Бөек пост тәмамлану уңаеннан чын күңелдән котлыйм.
Быел Пасха барлык традицион христиан конфессияләре вәкилләре тарафыннан бер үк вакытта билгеләп үтелә, бу исә әлеге гомерлек дини тәгълиматның рухи башлангычлары бердәмлеген һәм какшамаслыгын тагын бер кат дәлилли. Христиан динен тотучылар Христосның Яңадан тууын олы тантана, ”бәйрәмнәр таҗы” дип таныйлар, аны зурлап, мәңгелек тормышка, гөнаһлары ярлыкануга өмет багълыйлар, һәрдаим тынычлыкка, шәфкать-мәрхәмәткә, яхшылыкка омтылалар.
Ислам һәм башка традицион диннәр белән беррәттән, православие Татарстанда милләтләр һәм конфессияләр арасындагы татулыкның, иминлекнең ныклы әхлакый нигезе булып тора, җәмгыятьне аның вәкилләре арасындагы үзара хезмәттәшлек, ихтирам һәм ватанпәрвәрлек рухында үстерү кебек игелекле эшкә хезмәт итә. Христиан диненең уртак рухи, мәдәни-тарихи мирасыбызның аерылгысыз өлешен тәшкил иткән югары идеаллары Мәдәният елында җәмгыятебез тормышының төрле өлкәләрендә тагын да ачыграк һәм тагын да бәрәкәтлерәк гәүдәләнеш табар дип ышанам.
Бөтен дөньяда миллионлаган кешегә Иисус Христосның Яңадан туу могҗизасы диндарлык, хакыйкать һәм иҗади үсеш юлыннан тайпылмыйча, шәфәгать, ярдәмчеллек һәм тыйнаклык кебек асыл сыйфатларын югалтмыйча, көннән-көн камилләшә бару өчен зур көч бирә.
Бәйрәм котлы булсын, йөрәкләрегезгә Илаһи нур өстәсен! Барыгызга да сәламәтлек, бәхет, мәхәббәт һәм күңел күтәренкелеге телим.
Татарстан Республикасы Президенты Р.Н. Миңнеханов.