“Казан 2013” Башкарма дирекциясе исемен Спорт проектлары башкарма дирекциясе итеп үзгәртәчәкләр

“Казан 2013” Башкарма дирекциясе исемен Спорт проектлары башкарма дирекциясе итеп үзгәртәчәкләр. Бу хакта бүген ТР Министрлар Кабинетында узган брифингта “Казан 2013” Башкарма дирекциясе генераль директоры Азат Кадыйров хәбәр итте.

“Бу хакта карар кабул ителгән. “Казан 2013” Башкарма дирекциясенең Күзәтчелек советы рәисе Виталий Мутко һәм рәис урынбасары ТР Президенты Рөстәм Миннеханов аны хуплады”, - дип белдерде Азат Кадыйров.

Аның сүзләренә караганда, хәзерге вакытта башкарма дирекция элеккечә эшләвен дәвам иттерә. “Бүгенге көндә Спортның су төрләре буенча дөнья чемпионаты проекты өстендә эш – игътибар үзәгендә. Без алга таба да Казанда узачак халыкара ярышларны оештыру һәм уздыру өстендә эшләячәкбез”, - диде Азат Кадыйров.