Минтимер Шәймиев Дюсен Касеин белән очрашты

2014 елның 25 апреле, җомга
Бүген Татарстан Республикасы Дәүләт Киңәшчесе Минтимер Шәймиев Халыкара төрек мәдәнияте оешмасы (ТӨРКСОЙ) генераль секретаре Дюсен Касеин белән очрашты. ТӨРКСОЙ делегациясе иртәгә “Казан – 2014 елда төрки дөньяның мәдәни башкаласы” елы ачылышы тантанасында катнашачак.

Дюсен Касеин ТӨРКСОЙ эшчәнлегенә ярдәм иткәне һәм күп еллар дәвамындагы хезмәттәшлек өчен Минтимер Шәймиевкә рәхмәт белдерде, оешманың бүгенге казанышлары турында сөйләде.

ТӨРКСОЙ генераль секретаре шулай ук мәгариф, фән һәм мәдәният мәсьәләләре буенча ЮНЕСКО – Берләшкән Милләтләр Оешмасы белән уртак проектлары һәм хезмәттәшлекләре турында сөйләде. Аның сүзләренчә, узган ел ТӨРКСОЙның 20 еллыгы Парижда, ЮНЕСКОның штаб-квартирасында билгеләп үтелгән, ТӨРКСОЙ һәр елны төрки телле илләрнең ЮНЕСКО вәкилләре белән очрашу уздыра.

Минтимер Шәймиев билгеләвенчә, ТӨРКСОЙның миссиясе изге – төрки халыкларның берләшүенә ярдәм итү. “Сезнең талантыгыз һәм тәҗрибәгез ярдәмендә ТӨРКСОЙның эшчәнлек өлкәсе һәм йогынтысы киңәя бара”,- диде ул.

Очрашу азагында Дюсен Касеинов Минтимер Шәймиевкә “ТӨРКСОЙның 20 еллыгы” медален тапшырды.
ТР Президенты матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International