Казанда Янгын сүндерүчеләр оешмасына 365 ел тулу хөрмәтенә шәһәр күләмендә бәйрәм узды

Казанда Янгын сүндерүчеләр оешмасына 365 ел тулу хөрмәтенә шәһәр күләмендә бәйрәм узды. Тантанада ТР гражданнар оборонасы җитәкчесе - ТР Премьер-министры Илдар Халиков катнашты.

Тантана Янгынга каршы федераль хезмәтнең ТР буенча идарәсенең укыту үзәгенә байрак тапшыру белән башланып китте. Бу тантаналы чарада Россия Гадәттән тыш хәлләр министрлыгының ТР буенча Баш идарәсе җитәкчесе Рафис Хәбибуллин катнашты.

“Байрак һәрвакыт батырлык һәм кыюлык, бабаларыбыз һәм аталарыбызның батырлыкларын белән бәйле. Байрак белән Россия коралының куәте күренә, Һәм бүген байракны тапшыру алдагы уңышларга һәм батырлыкларга канатландырыр. Сезне һөнәри бәйрәм белән котлыйм, нык сәламәтлек, уңышлар, ә безнең ветераннарга озын гомер телим. Хезмәт бурычларын үтәгәндә һәлак булган хезмәткәрләребезнең тол калган хатыннарына аерым рәхмәт белдерәм”, - дип билгеләде Россия Гадәттән тыш хәлләр министрлыгының ТР буенча Баш идарәсе җитәкчесе Рафис Хәбибуллин.

Аннан соң, алдынгы хезмәткәрләрне бүләкләү тантанасы булды.

“Сезнең һөнәр көчле шәхси сыйфатлар, батырлык, дисциплина һәм үзеңне корбан итүгә сәләтле булуны таләп итә. Сезнең фидакарьлек һәм батырлык ярдәмендә янгыннарның һәм аларда һәлак булучыларның санын киметүгә ирешелә”, - дип мөрәҗәгать итте җыелганнарга ТР Премьер-министры Илдар Халиков.

“Берничә ел дәвамында Россия Гадәттән тыш хәлләр министрлыгы, ТР җитәкчелеге һәм муниципаль район башлыклары ярдәмендә республиканың янгын куркынычсызлыгын яхшырту һәм алдынгы технологияләр, иң заманча техника куллану буенча эш башкарыла. Соңгы елларда 94 янгын сүндерү һәм махсус техника алынган. Янгын сүндерүчеләр оешмасы бүлекләре даими рәвештә янгыннарны кисәтү системасын яхшырта, оператив чара күрүнең вакыт күрсәткечләре кыскара. ТР халкының 100 процент чамасы янгын хезмәте бүлекләре белән тәэмин ителгән”, - дип белдерде Илдар Халиков.