Илдар Халиков “Сәүдә эшчәнлеге өлкәсендә конкуренцияне тәэмин итү” дип аталган Бөтенроссия фәнни-гамәли конференция ачылышында катнашты

Базар, сәүдә эшчәнлеген дәүләтнең тәртипкә салуына кагылган федераль законга игътибарлырак карый башлады. Бу хакта бүген Казанга “Сәүдә эшчәнлеге өлкәсендә конкуренцияне тәэмин итү” дип аталган Бөтенроссия фәнни-гамәли конференциядә Россиянең Федераль монополиягә каршы хезмәт җитәкчесе Андрей Кашеваров белдерде.
Бу чарада Татарстан Республикасы Премьер-министры Илдар Халиков катнашты.

Андрей Кашеваров “Сәүдә эшчәнлеген дәүләтнең тәртипкә салу нигезләре турында” федераль законга тукталды. Аның сүзләренчә, бу документны дүрт ел гамәлгә кертү барышында ул үзенең максатына ирешкән. “2013 елның урталарыннан базар, сәүдә эшчәнлеген дәүләтнең тәртипкә салуына кагылган федераль законга игътибарлырак карый башлады”,-диде ул.
Шуның белән бергә, бу законда киләчәктә дә үзгәрешләр булырга мөмкин, дип искә төшерде Андрей Кашеваров.

Конференциядә катнашучыларны Илдар Халиков сәламләде. Аның сүзләренчә, конференциянең темасы бик мөһим һәм актуаль, аеруча яңа сәяси шартларда.

Илдар Халиков борчыган проблемаларның берсе буларак, барлык төр юнәлешләрдә дә контрафактлы продукциянең үсешен атады, аның күләме 30%ка җитә.

Тагын бер проблема БСО (ВТО) һәм Таможня берлегенә керү. Таможня берлегенә килгәндә, без үзебезнең җитештерүчеләребез өчен шартлар булдырырга һәм тәртипкә салырга өлгерә алмыйбыз, ул арада безнең партнерларыбыз территорияләрне һәм базарларны яулыйлар.

Татарстан Премьер-министры конференциядә катнашучыларга нәтиҗәле һәм уңышлы эшләүне теләде.