Татарстан Республикасы Хөкүмәте

Илдар Халиков Кытайның Аньхой провинциясе делегациясе белән очрашты

2014 елның 25 июне, чәршәмбе

Бүген Казанда Татарстан Премьер-министры Илдар Халиков губернатор урынбасары Хуа Цзяньхуэй җитәкчелегендәге Кытайның Аньхой провинциясе делегациясе белән очрашты. Очрашу ТР Хөкүмәте йортында узды, анда ТР вице-премьеры – сәүдә һәм сәнәгать министры Равил Зарипов, ТР вице-премьеры – фән һәм мәгариф министры Энгель Фәттахов катнашты.

Очрашу барышында Илдар Халиков Кытай делегациясе әгъзаларына Татарстанның социаль –икътисади үсеше турында сөйләде, Татарстанның Россиядә яхшы инвестицион климатка ия булган алдынгы төбәкләрнең берсе булуын билгеләде.

“Кытай Татарстан Республикасы өчен дә һәм Россия Федерациясе өчен дә стратегик партнер булып тора,- дип белдерде Илдар Халиков. – ТР да алга киткән нефть, нефть-химия сәнәгате, машина төзелеше бар”. Татарстан Премьер-министры фикеренчә, бу юнәлешләр Кытай партнерлары өчен кызыклы булырга мөмкин.

Үз чиратында Хуа Цзяньхуэй шулай ук үз төбәге турында сөйләде, икътисад һәм гуманитар өлкәләрдә Татарстан белән хезмәттәшлек итүгә кызыксыну белдерде.

ТР Президенты матбугат хезмәте. Михаил Миронов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Татарстан Республикасы Премьер-министры урынбасары Ләйлә Фазлыева «Созвездие-Йолдызлык» фестивале җиңүчеләренә Татарстан Республикасы Рәисе дәүләт стипендияләрен тапшырды

Бүген Татарстан Республикасы Хөкүмәте йортында «Созвездие-Йолдызлык» эстрада сәнгатенең XXVI ачык республика телевизион яшьләр фестивале җиңүчеләренә Татарстан Республикасы Рәисе дәүләт стипендияләрен тапшыру тантанасы узды. Стипендияләрне Татарстан Республикасы Премьер-министры урынбасары Ләйлә Фазлыева тапшырды.

май, 2026 ел

Татарстан Республикасы Премьер-министры А.В. Песошинның Химиклар көне белән котлавы

Хөрмәтле химия, нефть химиясе, нефть эшкәртү һәм фармацевтика сәнәгате хезмәткәрләре! Татарстан Республикасы Хөкүмәте һәм шәхсән үз исемемнән сезне һөнәри бәйрәмегез - Химик көне белән котлыйм! Татарстанның гасырлар буе дәвам иткән данлыклы фәнни традицияләре һәм югары сәнәгать потенциалы бар, болар илнең икътисадый үсешен тәэмин итәргә мөмкинлек бирә.

май, 2026 ел

Татарстанда чәчү кампаниясе төгәлләнеп килә - сабан культуралары 1 млн. 611 мең га мәйданда чәчелгән, бу планнан 94% тәшкил итә

Татарстан Республикасында чәчү кампаниясе ахырына якынлаша. Сабан культуралары 1 млн.611 мең га мәйданда чәчелгән, бу планнан 94%. Мондый мәгълүматларны бүген Татарстан Республикасы Хөкүмәте Йортында узган традицион шимбә киңәшмәсендә Татарстан Республикасы авыл хуҗалыгы һәм азык-төлек министры урынбасары Дмитрий Яшин китерде. Киңәшмәне республиканың барлык муниципаль районнары белән видеоконференцэлемтә режимында Татарстан Премьер-министры Алексей Песошин уздырды.

Татарстанда «Безнең ишегалды" программасы буенча эшләр дәвам итә, үтәлеш 28%

Татарстанда «Безнең ишегалды» программасы кысаларында быел төзекләндерү эшләре төгәлләнәчәк беренче район Зәй муниципаль районы булачак. Бу хакта бүген ТР Хөкүмәте Йортында узган киңәшмәдә «ТР шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

ЯҢАЛЫКЛАРГА ЯЗЫЛУ