Татарстан Республикасы Хөкүмәте

Татарстанда 1июльдән 30 сентябрьгә кадәр төзелеш объектларында хезмәт куркынычсызлыгын тәэмин итү буенча өчайлык уза

2014 елның 2 августы, шимбә

Татарстанда 2014 елның 1 июленнән 30 сентябренә кадәр төзелеш объектларында хезмәт куркынычсызлыгын тәэмин итү буенча өчайлык уза. Бу хакта бүген ТР Хөкүмәте йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне республиканың барлык муниципаль районнары белән видеоконференцэлемтә режимында Илдар Халиков уздырды.

Ирек Фәйзуллин билгеләгәнчә, беренче айның нәтиҗәләре буенча чираттагы утырыш уздырылды, бәхетсезлек очраклары булган төзелеш оешмалары җитәкчеләренең докладлары тыңланды, төзелеш оешмаларының 40 җитәкчесе һәм белгечләре хезмәт куркынычсызлыгы буенча укулар узды, төзелеш барган объектларда хезмәт куркынычсызлыгы таләпләре үтәлешен тикшерү булды.

Гомумән 2014 елда Дәүләт төзелеш күзәтчелеге инспекциясе тарафыннан 575 тикшерү уздырылган, хезмәт куркынычсызлыгы нормаларын һәм кагыйдәләрен бозган өчен 281 карар чыгарылган. Бүгенгә республикада 4 млн. 366 мең сум штраф алынган.

ТР Президенты матбугат хезмәте, Елена Бритвина.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстанда 10 айда 339 млрд сумлык авыл хуҗалыгы продукциясе җитештерелгән, җитештерү индексы узган елга карата 107,1% тәшкил итә

Татарстанда 2025 елның 10 аенда 339 млрд сумлык авыл хуҗалыгы продукциясе җитештерелгән, җитештерү индексы узган елга карата 107,1% тәшкил итә. Мондый мәгълүматларны бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров китерде. Ул тармакны үстерү буенча эш һәм ел йомгаклары буенча көтелә торган нәтиҗәләр турында сөйләде. Киңәшмәне республиканың барлык муниципаль районнары белән видеоконференцэлемтә режимында ТатарстанРәисе Рөстәм Миңнеханов уздырды киңәшмәдә Татарстан Республикасы Премьер-министры Алексей Песошин катнашты.

Татарстанда 839 күп фатирлы йортта капиталь ремонт тәмамланган, 40 йортта эшләр дәвам итә

Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин Татарстанда күп фатирлы йортларны капиталь ремонтлау программасының ничек гамәлгә ашырылуы турында сөйләде. Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов үткәрде.

декабрь, 2025 ел

Татарстан Премьер-министры урынбасары Ләйлә Фазлыева Халыкара ихтыярыйлар көне белән котлады

Татарстан Премьер-министры урынбасары Ләйлә Фазлыева Халыкара ихтыярыйлар көне белән котлады. "Кадерле ихтыярыйлар! Татарстан Республикасы Хөкүмәте һәм шәхсән үз исемемнән сезне Халыкара ихтыярыйлар көне белән котлыйм!" - диелә телеграмма текстында.

декабрь, 2025 ел

Татарстан Премьер-министры урынбасары Шамил Гаффаров республикада югары уку йортлары арасында кампус булдыру буенча стратегик сессиядә катнашты

Бүген Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гаффаров Татарстанда югары уку йортлары арасында кампус булдыру буенча стратегик сессиядә катнашты. Чара КНИТУ-КАИ (Казан) базасында уза.

ЯҢАЛЫКЛАРГА ЯЗЫЛУ