Илдар Халиков “Кремонини груп” компаниясе делегациясе белән очрашты

2014 елның 7 августы, пәнҗешәмбе
Татарстан Республикасы Премьер-министры Илдар Халиков бүген Италиянең “Кремонини груп” компаниясе делегациясе белән очрашты. ТР Хөкүмәте йортында узган очрашуда “Кремонини груп” компаниясенең ит эшкәртү буенча бүлекчәсе, “Иналка” компаниясе генераль директоры, компаниягә нигез салучы һәм аның президенты Серафино Кремонининың улы Луиджи Скордамалья, ТР вице-премьеры – ТР авыл хуҗалыгы һәм азык-төлек министры Марат Әхмәтов катнашты.

Италиянең “Кремонини груп” компаниясе һәм ТР Авыл хуҗалыгы һәм азык-төлек министрлыгы 2014 елның июлендә Татарстанда терлек симертү мәйданчыклары булдыру турында килешкәннәр иде. Бүген компания делегациясе республиканың Лениногорск һәм Бөгелмә районнарында бу мәйданчыкларны урнаштыру урыннарын карады.

Делегация әгъзалары Илдар Халиковка хәбәр иткәнчә, алар Татарстанда үз бизнесларын үстерү өчен күп мөмкинлекләр күргәннәр. Очрашу барышында ике яктан да катнашучылар проект турында, шулай ук Татарстанда “Кремонини груп” компаниясе бизнесының үсеш перспективалары хакында фикер алыштылар.

ТР Президенты матбугат хезмәте. Михаил Миронов
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International