Яңа Чишмә районында тагын бер күпфункцияле мәдәни үзәк ачылды
2014 елның 20 августы, чәршәмбе
Бу районда ачылган өченче мәдәни үзәк. Мәйданы 400 кв. метрдан артык булган матур бинада музыкаль, җыр һәм бию сәнгатен үстерү өчен барлык шартлар да тудырылган.
Кызыл Октябрь поселогы халкын яңа мәдәни үзәк ачылу белән котлап, Илдар Халиков Мәдәният йорты коллективына 100 мең сумга акча сертификаты тапшырды.
Алга таба Илдар Халиков район Мәдәният йортында Яңа Чишмә районы активы белән очрашты. Район башлыгы Вячеслав Козлов районның төп күрсәткечләре, урып-җыю эшләренең барышы, район территориясендә республика программаларының гамәлгә ашырылуы турында сөйләде.
“Яңа Чишмә районы нефть чыгару тармагында, һәм шулай ук авыл хуҗалыгы җитештерүендә үз өлешен кертә. Безнең республика Россиядә ит һәм сөт җитештерү буенча алдынгылардан санала, монда сезнең дә өлешегез бар”, - дип белдерде Илдар Халиков үзенең чыгышында.
“Яңа Чишмә хәбәрләре” газетасы материаллары буенча
Бүлешү:
СОҢГЫ ЯҢАЛЫКЛАР
10
май, 2026 ел
Бүген Казанда Пушкин исемендәге концерт залында МХО буенча Татарстан Республикасы Премьер-министры ярдәмчесе, Татарстан Республикасы буенча элеккеге федераль инспектор, легендар генерал Ренат Тимерҗанов белән хушлашу тантанасы узды.
Гражданнар панихидасында Татарстан Рәисе Рөстәм Миңнеханов, Россия Эчке эшләр министрлыгының РФ субъектлары башкарма хакимияте органнары белән үзара хезмәттәшлекне җайга салуны җәмәгать тәртибен саклауны тәэмин итү буенча Баш идарәсе башлыгы Ленар Габдерахманов, Татарстан Республикасы буенча Баш федераль инспектор Виктор Демидов, Татарстан Республикасы Рәисе Администрациясе Җитәкчесе Әсгать Сәфәров, Татарстан Республикасы буенча эчке эшләр министры урынбасары Алексей Соколов, Федераль иминлек хезмәтенең Татарстан Республикасы буенча идарәсенең элеккеге башлыгы (1998-2004 елларда) Александр Гусев, Ренат Тимерҗановның туганнары һәм якыннары, хезмәттәшләре катнашты.
9
май, 2026 ел
Бүген Татарстан Премьер-министры Алексей Песошин Казанның Арча зиратындагы «Җиңүче Солдат» монументына чәчәкләр салды
Ул 9 май – 1941-1945 еллардагы Бөек Ватан сугышында Җиңү көнен бәйрәм итүгә багышланган.
8
май, 2026 ел
Мәскәүдә Россия Федерациясе Президенты ярдәмчесе Юрий Ушаков җитәкчелегендә Россия – АСЕАН саммитын әзерләү һәм уздыру буенча оештыру комитеты утырышы узды.
Саммит Казанда Россия Федерациясе Президентының 2026 елның 21 апрелендәге 268 номерлы Указы нигезендә узачак.
Татарстанда социаль өлкә объектларына капиталь ремонт актив бара. Ремонтлана торган объектлар буенча мәгариф өлкәсе алда: республика һәм федераль программаларга тармакның 170 объекты кертелгән. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде.
Киңәшмәне Татарстан Рәисе Рөстәм Миңнеханов үткәрде. Киңәшмәдә шулай ук ТР Дәүләт Советы Рәисе вазыйфаларын башкаручы Марат Әхмәтов, ТР Премьер-министры Алексей Песошин катнашты.
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз