Казанда Татарстан Республикасы Федераль казначылык идарәсенең яңа бинасы ачылды

Бүген Казанда Татарстан Республикасы Федераль казначылык идарәсенең яңа бинасы ачылды (Вишневский ур., 31).
Бинаны ачу тантанасында Россия Исәп-хисап палатасы рәисе Сергей Степашин, Россия Федерациясе финанслар министрының беренче урынбасары Татьяна Нестеренко, федераль казначылык башлыгы Роман Артюхин, Татарстан Премьер-министры Рөстәм Миңнеханов һәм башкалар катнашты.
Сергей Степашин, бинаны ачу тантанасына җыелучыларны сәламләп: “Яңа бинага күпме бюджет акчасы керүен миңа хәбәр иттеләр инде. Алар нәтиҗәле һәм эш буенча тотылган дип саныйм”, - диде.
Татарстан Премьер-министры Рөстәм Миңнеханов бүгенге көндә казначылык эшенең бюджет акчалары ышанычлы тотылуны тәэмин итүен билгеләп үтте.
Татарстан Республикасы федераль бюджетка түләүчеләрнең иң зурысы булып тора. 2008 елга гына да Татарстан Республикасы Федераль казначылык идарәсенең бердәм керемнәр хисабында, гомумән алганда, 346 млрд. сум акча керүе теркәлгән.
Россия Федераль казначылыгы җитәкчесе Роман Артюхин сүзләренә караганда, яңа бина һәм кабинетлар “казначылык хезмәткәрләренең тулы көчкә эшләве өчен уңай шартлар тудыру мөмкинлеге бирәчәк”.
Татарстан Республикасы Федераль казначылык идарәсе җитәкчесе Марат Зариповка яңа бинаның символик ачкычын тапшырдылар.