ТР Премьер-министры “Нәфис – Косметикс”ААҖдә булды

Татарстан Премьер-министры Илдар Халиков “Нәфис-Косметикс” ААҖдә булды, анда производство белән танышты һәм предприятие хезмәткәрләре белән танышты.

Илдар Халиков сүзләренчә, 15 ел элек компания вәкилләре аны гаҗәпләндергән иде, чөнки бүтәннәр акчаларын сәүдәгә тотканда, алар производствоны үстерүгә тоттылар. Аның фикеренчә, производствоны киңәйтү – майонез һәм кетчуплар чыгара башлау көтелмәгән адым булды.

Үз чиратында, “Нәфис Косметикс” ААҖ генераль директоры Дмитрий Хәйбуллин Премьер-министрга предприятиене үстерүгә юнәлтелгән проектлар турында сөйләде.

Илдар Халиков үзенең чыгышында белдергәнчә, хәзер Татарстан предприятиеләре тотрыклы режимда эшлиләр. Бүгенге көнгә Татарстанда “ТАНЭКО” заводы булдырылды, “Алабуга” МИЗ җирлегендә 100 млрд. сумнан артык инвестиция күләме белән 40 тан артык предприятие эшли. Индустриаль мәйданчыклар актив үсә.

“Татарстанга зур чит ил инвесторлары килә. Бу безнең республиканың инвестиция проектларын җәлеп итүен тагын бер кабат исбатлый”, - дип ассызыклады Илдар Халиков.