Татарстан Премьер-министры Спас районында булды
2014 елның 10 сентябре, чәршәмбе
Ул район башлыгы Камил Нугаев озатуында Болгарда берничә җитештерү объектын карады.
Шуларның беренчесе төзелеп ятучы “Спас казылыклары” ҖЧҖ ит эшкәртү комплексы булды. Аның ачылышы киләсе елның I кварталына планлаштырылган.
Шәһәрдә Владимир Монаховның икмәк пешерү цехы икенче ел эшли. Яңа җиһазлар заманча технологияләр куллану мөмкинлеген бирә. Монда 15 кеше эшли, икмәк ассортименты бай.
Аннан соң кунаклар балалар уен мәйданчыгында булдылар, балалар белән аралаштылар. Балалар спорт белән шөгыльләнү урыны булуга бик канәгать, алар моның өчен район һәм республика җитәкчелегенә рәхмәт белдерделәр.
Шулай ук Болгарның шифаханә тибындагы мәктәп-интернаты да делегация игътибарыннан читтә калмады. Аны ремонтлау өчен 70 млн сум акча тотылган. Премьер-министр ремонтның сыйфатлы булуын билгеләде һәм мәктәп коллективына уңышлар теләде.
Алга таба Мәдәният йортында район активы белән очрашу узды. Анда районның социаль-икътисади үсеше һәм коммуналь хуҗалыкның алдагы ягу сезонына әзерлек мәсьәләләре каралды.
“Спас халкы зур эш башкарды, шуның нәтиҗәсендә Болгар тарих комплексы ЮНЕСКО Бөтендөнья мирасы исемлегенә кертелде. Бу хезмәтегез һәм тырышлыгыгыз өчен рәхмәт сезгә”, - диде Илдар Халиков очрашуда катнашучыларга мөрәҗәгать итеп.
“Яңа тормыш” газетасы (Спас муниципаль районы)
Бүлешү:
СОҢГЫ ЯҢАЛЫКЛАР
10
май, 2026 ел
Бүген Казанда Пушкин исемендәге концерт залында МХО буенча Татарстан Республикасы Премьер-министры ярдәмчесе, Татарстан Республикасы буенча элеккеге федераль инспектор, легендар генерал Ренат Тимерҗанов белән хушлашу тантанасы узды.
Гражданнар панихидасында Татарстан Рәисе Рөстәм Миңнеханов, Россия Эчке эшләр министрлыгының РФ субъектлары башкарма хакимияте органнары белән үзара хезмәттәшлекне җайга салуны җәмәгать тәртибен саклауны тәэмин итү буенча Баш идарәсе башлыгы Ленар Габдерахманов, Татарстан Республикасы буенча Баш федераль инспектор Виктор Демидов, Татарстан Республикасы Рәисе Администрациясе Җитәкчесе Әсгать Сәфәров, Татарстан Республикасы буенча эчке эшләр министры урынбасары Алексей Соколов, Федераль иминлек хезмәтенең Татарстан Республикасы буенча идарәсенең элеккеге башлыгы (1998-2004 елларда) Александр Гусев, Ренат Тимерҗановның туганнары һәм якыннары, хезмәттәшләре катнашты.
9
май, 2026 ел
Бүген Татарстан Премьер-министры Алексей Песошин Казанның Арча зиратындагы «Җиңүче Солдат» монументына чәчәкләр салды
Ул 9 май – 1941-1945 еллардагы Бөек Ватан сугышында Җиңү көнен бәйрәм итүгә багышланган.
8
май, 2026 ел
Мәскәүдә Россия Федерациясе Президенты ярдәмчесе Юрий Ушаков җитәкчелегендә Россия – АСЕАН саммитын әзерләү һәм уздыру буенча оештыру комитеты утырышы узды.
Саммит Казанда Россия Федерациясе Президентының 2026 елның 21 апрелендәге 268 номерлы Указы нигезендә узачак.
Татарстанда социаль өлкә объектларына капиталь ремонт актив бара. Ремонтлана торган объектлар буенча мәгариф өлкәсе алда: республика һәм федераль программаларга тармакның 170 объекты кертелгән. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде.
Киңәшмәне Татарстан Рәисе Рөстәм Миңнеханов үткәрде. Киңәшмәдә шулай ук ТР Дәүләт Советы Рәисе вазыйфаларын башкаручы Марат Әхмәтов, ТР Премьер-министры Алексей Песошин катнашты.
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз