Татарстан Республикасы һәм Чиләбе өлкәсе хезмәттәшлек турында килештеләр

ТР Премьер-министры Илдар Халиков җитәкчелегендәге Татарстан делегациясенең Чиләбегә эшлекле сәфәре кысаларында бүген Чиләбе өлкәсе һәм Татарстан Республикасы арасында Сәүдә-икътисад, фәнни-техник, социаль һәм мәдәният хезмәттәшлеге турында килешүне гамәлгә ашыру буенча 2014-2017 елларга чаралар протоколы имзаланды.
Документка ТР Премьер-министры Илдар Халиков һәм Чиләбе өлкәсе Хөкүмәте рәисе Сергей Комяков имзаларын куйды.
Имзалау тантанасында шулай ук ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов, ТР Сәнәгать һәм сәүдә министры урынбасары Рашат Фәттахов, Татарстанның Свердловск өлкәсендәге вәкиле Ринат Садриев, ТР Премьер-министрының тышкы икътисади эшчәнлек буенча ярдәмчесе Назил Насыйбуллин катнашты.

Сергей Комяков очрашуны ачып, алга таба да эшлекле һәм икътисади элемтәләрне ныгытырга кирәк, дип билгеләде. “ Соңгы елларда безнең төбәкләр арасында товар әйләнеше 8 тапкыр артты. Татарстанга барырга һәм Казанны үз күзләребез белән күрергә өметләнәбез”,- диде Сергей Комяков.

“Без авыл хуҗалыгы, сәнәгать һәм эшкәртү кебек өлкәләрдә актив тәҗрибә алмашырга тиеш. Татарстан Республикасы белән Чиләбе өлкәсе арасында төбәкара товар әйләнеше узган ел 23,7 млрд сум тәшкил итте”, - дип белдерде Илдар Халиков.

Ике яктан да катнашучылар үзара тыгыз һәм уңышлы хезмәттәшлек үсешенә ышаныч белдерделәр.