Татарстанның хөкүмәт башлыгы Рөстәм Миңнеханов “ВАМИН Татарстан” ААҖ генераль директоры Вәгыйз Минһаҗевны югары хезмәт нәтиҗәләренә ирешүе белән котлады

Татарстан Республикасы Премьер-министры Рөстәм Миңнеханов “ВАМИН Татарстан” ААҖ генераль директоры Вәгыйз Минһаҗевны хезмәттә югары уңышларга ирешүе белән котлады. Татарстан Республикасының хөкүмәт башлыгы исеменнән Минһаҗев әфәнде адресына җибәрелгән телеграммада шул турыда әйтелә.
“ВАМИН Татарстан” ААҖ хуҗалыклары, тәүлегенә 500 тоннадан артык сөт савып, куелган чикне узып киттеләр һәм агросәнәгать комплексы хезмәтчәннәренә лаеклы үрнәк күрсәттеләр.
“Сезнең коллективыгыз казанышлары Россиядә иң югарысы булып тора, - диелә телеграммада. – Сөт эшкәртү һәм җитештерүне үстерүгә керткән өлешегез аркасында, Татарстанда кулланучылар кәрзиненең бәясе - Идел буе федераль округы төбәкләре арасында иң түбәннәрнең берсе, сөт һәм сөт продуктлары югары сыйфатлы һәм җитештерелә торган продукция конкуренциягә сәләтле була торып та, аларның ваклап сату бәясе түбән булып кала”.