Татарстанның хөкүмәт башлыгы һәм Россия Президенты каршындагы Физкультура һәм спортны үстерү Советының куркынычсызлык буенча даими эш төркеме җитәкчесе Универсиада-2013 объектларының куркынычсызлыгын тәэмин итү мәсьәләләре турында фикер алыштылар

Бүген Татарстан Республикасы Министрлар Кабинетында Татарстан Республикасының хөкүмәт башлыгы Рөстәм Миңнеханов Россия Федерациясе Президенты каршындагы Физик культура һәм спортны, югары казанышлар спортын үстерү, XXII кышкы Олимпия уеннарын әзерләү һәм үткәрү Советының куркынычсызлык буенча даими эш төркеме җитәкчесе, армия генералы Олег Владимирович Сыромолотов белән очрашты.
Анда 2013 елда булачак Бөтендөнья студентлар җәйге уеннарының (Универсиада-2013) төзелеп килә торган спорт объектлары куркынычсызлыгын тәэмин итү мәсьәләләре турында сүз барды.
Татарстан Республикасы Министрлар Кабинеты аппаратының административ һәм хокук саклау органнары идарәсе башлыгы Александр Вайда хәбәр иткәнчә, 24-25 нче июньдә Казанда Россия Федерациясе Президенты каршындагы Физик культура һәм спортны, югары казанышлар спортын үстерү, XXII кышкы Олимпия уеннарын әзерләү һәм үткәрү Советы куркынычсызлык буенча даими эш төркеменең алтынчы утырышы узган. Утырыш кысаларында эш төркеме әгъзалары Татарстан башкаласында 2013 ел Универсиадасын әзерләү һәм оештыру эшләренең барышы белән танышканнар, спорт объектлары торгызыла торган төзелеш мәйданчыкларын карап чыкканнар, аларның куркынычсызлык дәрәҗәсенә бәя биргәннәр.