Менделеев районында яңа транспорт чишелеше ачылды

2014 елның 24 октябре, җомга
Татарстанның Менделеев районында бүген автотранспорт хәрәкәте өчен автомобиль юлында реконструкцияләнгән Алабуга-Ижевск-Яңа Менделеев химия заводы юл үткәргече ачылды. Тантаналы ачылышта ТР Премьер-министры Илдар Халиков, Федераль юл агентлыгы җитәкчесе Роман Старовойт катнашты.

Алабуга-Ижевск трассасындагы юл үткәргече һәм чилеше Яңа Менделеев химия заводына һәм яңа “Аммоний” заводының төзелеш мәйданчыгына куркынычсыз килүне тәэмин итә.

Юл үткәргечне реконструкцияләү 2012 елның декабрендә башланды һәм 2014 елның октябрендә тәмамланды.

Бер үк вакытта гомуми озынлыгы 1239 метр булган юл үткәргеченә килү юллары да реконструкцияләнде. Шулай ук өч яңа суүткәргеч торбалар да куелган. Транспорт хәрәкәтенең исәпләнгән тизлеге реконструкциядән соң 80км/сәг. җитәргә мөмкин.

Илдар Халиков тантанада чыгыш ясап, юл хезмәткәрләренә сыйфатлы итеп башкарылган эшләре өчен рәхмәт белдерде. Аның фикеренчә, транспорт инфраструктурасының бу объекты юлда хәрәкәт иминлеген тәэмин итәчәк, Менделеев районына һәм гомумән Татарстанга яңа инвестицияләр җәлеп итәргә булышачак.

Дәрәҗәле кунаклар реконструкцияләнгән чишелеш буенча хәрәкәтнең ачык икәнен белдереп, символик билгене әйләндереп куйдылар.





ТР Президенты матбугат хезмәте. Михаил Миронов
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International