ТР Дәүләт торак инспекциясе 793 күп фатирлы торак йортларның 773ендә капремонт эшләрен кабул итте

Дәүләт торак инспекциясе Татарстан Республикасында 793 күп фатирлы торак йортларның 773ендә капремонт эшләрен кабул итте, бу 97,48% тәшкил итә. Шуның белән бергә 36 муниципаль берәмлектә эшләр 100% ка кабул ителгән.

Мондый мәгълүмат бүген Татарстанның барлык муниципаль районнары белән видеоконференцэлемтә режимында узган республика киңәшмәсендә хәбәр ителде. Киңәшмә ТР Хөкүмәте йортында үтте, аны ТР Премьер-министры Илдар Халиков уздырды.

ТР төзелеш, архитектура һәм ТКХ министрының беренче урынбасары Фәрит Хәнифов республикада торак фондын һәм социаль билгеләнештәге объектларда (гомумбелем бирү мәктәпләре, балалар бакчалары, сәламәтләндерү лагерьлары, ветеринар хезмәт биналары) капиталь ремонтлау, "Уңайлы мохит" программаларын гамәлгә ашыруның барышы, инженер инфраструктура системаларын модернизацияләү һәм энергетик нәтиҗәлелеген арттыру турында сөйләде.

2014елда "Уңайлы мохит" программасы буенча социаль өлкәнең 135 объекты адаптацияләнә. Программаны финанслауның гомуми күләме 2014елда 539,6 миллион сум. Хәзерге вакытта республикада башкарылган эшләр 99,7 % тәшкил итә.

2014 елда 42 муниципаль берәмлектәге 104 мәктәп адаптацияләнә. 2014 елда программаны финанслауның гомуми күләме 271,9 миллион сум (хәзерге вакытта эшләр 99,8%ка башкарылган).

Мәктәпләрне капиталь ремонтлау программасы буенча барлык 45 муниципаль берәмлектә дә (159 мәктәп) эшләр тәмамланган. Барлык мәктәпләрдә укулар бара.

Соңгы ике атнада республиканың 7 муниципаль районның төзелеш объектларында куркынычсызлык техникасын үтәү буенча 118 тикшерү узган, алар нәтиҗәсендә куркынычсызлык техникасын бозу ачыкланмаган.

Социаль ипотека программасын гамәлгә ашыру турында тулырак итеп ТР Президенты каршындагы Дәүләт торак фондының башкарма директоры Тәлгать Абдуллин сөйләде.