Казанда Европа икътисади комиссиясенең Урманнар буенча комитет сессиясе ачылды

Бүген Казанда БМО Европа икътисади комиссиясенең Урманнар һәм урман тармагы буенча комитетның 72 сессиясе үз эшен башлап җибәрде. Сессия ачылышында Татарстан Республикасы Премьер-министры Илдар Халиков, РФ табигый байлыклар һәм экология министры урынбасары – Урман хуҗалыгы федераль агентлыгы җитәкчесе Иван Валентик, БМОның Европа икътисади комиссиясе башкарма директоры урынбасары Андрей Васильев катнашты.

72 сессия Казанда 18 ноябрьдән 21 ноябрьгә кадәр узачак. Сессиянең көн үзәгендә – глобаль һәм региональ масштабта “яшел икътисад” шартларын формалаштыруда урман секторының катнашу юлларын карау һәм мөмкинлекләрне бәяләү.
Комитетның сессиясе Россиядә беренче тапкыр узачак.

Сессиянең ачылышында Иван Валентик чыгыш ясады, ул РФ табигый байлыклар һәм экология министры Сергей Донскойның һәм РФ Дәүләт Думасы рәисе Сергей Нарышкинның сәламләвен укыды.

ТР Премьер-министры Илдар Халиков үз чиратында сессиядә катнашучыларны сәламләде, аларга нәтиҗәле эш, Казан тарихы һәм мәдәнияте белән танышудан матур тәэсирләр алуларын теләде. Татарстан Президенты Рөстәм Миңнехановның сәламләвен җиткерде.

Шулай ук сессиядә катнашучыларны XI халыкара яшүсмерләр урман комплексы җиңүчесе Марат Зәйнуллин да сәламләде.

Урманнарны саклау һәм урман хуҗалыгын үстерү буенча Россия җитәкчелеге тарафыннан уздырыла торган чаралар турында Иван Валентик доклад ясады.