Илдар Халиков Санкт-Петербург вице-губернаторы Михаил Мокрецов белән очрашты

Татарстан Республикасы һәм Санкт-Петербургны күптәнге һәм тыгыз мөнәсәбәтләр берләштерә. Бу хакта бүген Татарстан Республикасы Премьер-министры Илдар Халиков Санкт-Петербург вице-губернаторы Михаил Мокрецов белән очрашуда белдерде.

Очрашу ТР Хөкүмәте йортында узды, Татарстан ягыннан анда ТР икътисад министры Артем Здунов, ТР сәнәгать һәм сәүдә министры урынбасары Рашат Фаттахов, ТР Сәүдә-сәнәгать палатасы идарәсе рәисе Шамил Агеев, Бөтендөнья Татар Конгрессы башкарма комитеты рәисе Ринат Закиров, ТРның Санкт-Петербург һәм Ленинград өлкәсендәге даими вәкиле Шамил Әхмәтшин, ТР Премьер-министры ярдәмчесе Назил Насыйбуллин катнашты.

Кунакларны сәламләп, Илдар Халиков, Татарстанга Санкт-Петербургтан вәкилләр делегациясе килде, бу төбәккә карата булган кызыксынуны күрсәтә, дип билгеләде.
“Татарстан Республикасын һәм Санкт-Петербургны күптәнге һәм тыгыз мөнәсәбәтләр берләштерә, - диде ТР Премьер-министры. – Болар 2009 елда имзаланган сәүдә-икътисад , фәнни-техник, социаль һәм мәдәни хезмәттәшлек турында килешү, һәм Санкт-Петербургта традицион уза торган Татарстан Республикасы көннәре, һәм татар милли Сабантуй бәйрәме”.

Искә төшерәбез, Санкт-Петербург делегациясе Казанга ике көнлек эшлекле очрашуга килде. Бу сәфәр кысаларындагы төп чаралар – эшлекле контактлар биржасы ачылышында катнашу (2014 елның 4 декабре, “Гранд Отель Казан”). Шунда ук Татарстан Республикасының сәнәгать һәм инвестицион потенциалын тәкъдир итү уза. Моннан тыш, делегация әгъзалары Казанда югары технологияләр өлкәсендә - IT-паркта,”Химград” технополисында, Спортның су төрләре сарае һәм “Казан-Арена” футбол стадионында була.