Илдар Халиков Россия Федерациясе иминлек органнары хезмәткәрләре көне белән котлады

Татарстан Республикасы Премьер-министры Илдар Халиков Россия Федерациясе иминлек органнары хезмәткәрләре көне белән тармакның ветераннарын һәм хезмәткәрләрен котлады.

“Хөрмәтле Россия иминлек органнары хезмәткәрләре һәм ветераннары! Татарстан Республикасы Хөкүмәте исеменнән сезне һөнәри бәйрәмегез белән котлыйм, - диелә котлау текстында. – Иминлек органнары һәрвакыт дәүләт идарә системасының мөһим өлеше булды. Сез илнең милли мәнфәгатьләрен яклауга, конституцион төзелешнең ныклыгын, Россиянең территориаль бөтенлеген һәм суверенитетын тәэмин итүгә, җәмгыятьтә тотрыклылыкны саклауга лаеклы өлеш кертәсез. Сезнең оештырылган җинаять һәм коррупциягә каршы юнәлтелгән эшегезнең әһәмиятен бәяләп бетергесез.

Үзегезнең бурычыгызга тайпылышсыз бару, һөнәри намусыгыз алдыгызга куелган бурычларны уңышлы башкарырга мөмкинлек бирә. Хезмәт вазыйфаларыгыз буенча сезгә, кайвакыт үзегезнең гомерегезне куркыныч астына куеп, югары һөнәри әзерлек, төрле яклы белемнәр, зур киеренке рухи көч таләп итүче карарлар кабул итәргә туры килә. Бүген, Россиягә көнбатыш илләренең сәяси һәм икътисади басымы шартларында һәм халыкара терроризм ягыннан куркыныч янаганда, сәяси экстремизм һәм җинаятьчелекнең башка күренешләре булганда, сезнең авыр һәм куркыныч эшчәнлегегез аеруча әһәмиятлелек ала.

Татарстан Республикасы җитәкчелеге сезнең фидакарь хезмәтегез өчен чын күңелдән рәхмәт һәм яңа җаваплы бурычларны уңышлы башкаруыгызга ышыныч белдерә.
Ихлас күңелдән сезгә һәм якыннарыгызга нык сәламәтлек, бәхет, озын гомер телим.
Татарстан Республикасы Премьер-министры И.Ш.Халиков”.