Республика матбугат һәм массакүләм коммуникацияләр агентлыгына Айрат Зарипов җитәкче булды

Республика матбугат һәм массакүләм коммуникацияләр агентлыгының яңа җитәкчесе итеп Айрат Зарипов билгеләнде.

Бу хакта Указ Татарстан Республикасы Президенты Рөстәм Миңнеханов тарафыннан 2015 елның 16 гыйнварында имзаланды.

Искә төшерәбез: “Татмедиа” Республика матбугат һәм массакүләм коммуникацияләр агентлыгының элеккеге җитәкчесе Ирек Миңнәхмәтов кичә "Татспиртпром" ААҖнә генераль директор итеп билгеләнде.

Белешмә өчен:

Айрат Ринат улы Зарипов 1962 елның 8 августында Казанда туган.
1984 елда "физик " белгечлеге буенча Казан дәүләт педагогика институтын, 1995 елда "менеджмент" белгечлеге буенча Казан финанс-икътисад иститутын тәмамлый.
1992-1994 елларда - Казан шәһәре Идел буе районының балалар һәм яшьләр эшләре комитеты рәисе.
1995-2002 елларда - Казан хакимиятендә иҗтимагый оешмалар һәм ММЧ белән элемтә идарәсе җитәкчесе.
2002-2006 елларда - Татарстан Республикасы Президенты матбугат үзәге җитәкчесе.
2006-2010 елларда - Татарстан Республикасы Президенты матбугат хезмәте җитәкчесе.
2010 елдан Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәтенең Татарстан Республикасы буенча идарәсе җитәкчесе.

"Бөтенроссия халык исәбен алуны уздырудагы казанышлары өчен" (2003), "Казанның 1000 еллыгы истәлегенә" (2005) медальләре белән бүләкләнгән.

Өйләнгән. Ике кызы бар.