Татарстан Республикасы Хөкүмәте

Мәскәүдә “Дакар-2015” җиңүчеләрен – “КАМАЗ-Мастер” командасын каршы алдылар

2015 елның 20 гыйнвары, сишәмбе

“КАМАЗ-Мастер” командасы әгъзалары, “Дакар-2015” ралли-марафоны җиңүчеләре бүген Россиягә әйләнеп кайттылар. Мәскәүнең Домодедово аэропортында аларны Татарстан Премьер-министры Илдар Халиков, “КАМАЗ” ААҖ генераль директоры Сергей Когогин, җанатарлар, Мәскәүнең хәрби училище курсантлары, Президент полкы солдатлары, шулай ук күп санда журналистлар каршы алды.

“Дакар-2015” марафоны өч ил территориясендә – Аргентина, Чили һәм Боливиядә узды. 17 гыйнварда ул Буэнос-Айреста тәмамланды. “КАМАЗ-Мастер” командасы экипажлары йөк автомобильләре ярышларында тулысынча мактау пьедесталын биләделәр. Беренче урынны Айрат Мәрдиев экипажы алды, аның өчен бу җиңү “Дакар”да беренче булды. Икенче һәм өченче урыннарны Эдуард Николаев һәм Андрей Каргинов экипажлары яулады. “КАМАЗ-Мастер”ның тагын бер вәкиле Дмитрий Сотников гомуми зачетта бишенче булды.

Команданы бу җиңүләре белән Россия Президенты Владимир Путин һәм Татарстан Президенты Рөстәм Миңнеханов котлаганнар иде инде.

"Вести.ru" материаллары буенча

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ