Куба Республикасы делегациясе ТР буенча Россия Гадәттән тыш хәлләр министрлыгы баш идарәсенең Кризиска каршы идарә үзәгендә булды

2015 елның 21 апрелендә Куба Республикасы Министрлар Советы рәисе урынбасары, Сәүдә-икътисад һәм фәнни-техник Россия-Куба хөкүмәтара комиссиясе рәистәше Рикардо Кабрисас ТР буенча Россия гадәттән тыш хәлләр министрлыгы баш идарәсенең Кризиска каршы идарә үзәгендә булды.

Татарстан Республикасы Премьер-министры Илдар Халиков озатуында Рикардо Кабрисас ТР буенча Россия Гадәттән тыш хәлләр баш идарәсенең эчке ишегалдында куелган иң яңа янгын сүндерү һәм коткару техникасын карадылар. Бу техниканың мөмкинлекләре турында ТР буенча Россия Гадәттән тыш хәлләр баш идарәсе башлыгының беренче урынбасары Таһир Кәримуллин сөйләде.

“Сездә техниканың дөньяда иң яхшыларыннан берсе бар”, - дип белдерде Рикардо Кабрисас Илдар Халиковка мөрәҗәгать итеп.

Алга таба кунакларга ТР буенча Россия Гадәттән тыш хәлләр министрлыгы баш идарәсенең Кризиска каршы идарә үзәген күрсәттеләр. Кризиска каршы идарәнең заманча мөмкинлекләре турында ТР гадәттән тыш хәллләр министры урынбасары Олег Степущенко сөйләде.

Рикардо Кабрисас кризиска каршы идарә өлкәсендәге Россиянең алдынгы эшләнмәләрен Куба Республикасында гамәлгә кертергә тырышачагын белдерде.

Ул Гадәттән тыш хәлләр министрлыгы хезмәткәрләренә аларның изге эшләре – кешеләрне коткаруда уңышлар теләде.