Россия Федерациясе Хөкүмәте Рәисенең беренче урынбасары Игорь Иванович Шувалов: Татарстан белән эшләү һәрвакыт күңелгә рәхәт

Икътисади кризиска карамастан, агымдагы елны Татарстан Республикасы уңышлы уздырып җибәрде. Бу турыда бүген Казанда Татарстан Республикасы Министрлар Кабинетының киңәйтелгән утырышында Россия Федерациясе Хөкүмәте Рәисенең беренче урынбасары Игорь Шувалов белдерде.
Утырыш республикада гамәлгә ашырылучы кризиска каршы чараларга, шулай ук күп фатирлы йортларга капиталь ремонт үткәрү (“Торак-коммуналь хуҗалыгын реформалауга ярдәм итү Фонды турында” 185 нче номерлы ФЗ) һәм “Россия гражданнарына арзанлы һәм уңайлы торак” милли проектын гамәлгә ашыруга багышланган иде.
Чарада Татарстан Республикасы Президенты Минтимер Шәймиев, Торак-коммуналь хуҗалыгын реформалауга ярдәм итү Фондының генераль директоры Константин Цицин катнашты.
Утырышны видеоконференцэлемтә режимында республиканың барлык муниципаль районнарын тоташтырып Татарстан Республикасы Премьер-министры Рөстәм Миңнеханов алып барды.
Татарстан Республикасы икътисадында кризиска каршы чаралар программасын гамәлгә ашыру турында доклад белән Татарстан Республикасы Премьер-министрының беренче урынбасары Равил Моратов чыгыш ясады.
Игорь Шувалов капиталь ремонт программасы кысаларында эшләрне уңышлы оештыру, Универсиада-2013 объектларын төзү һ.б. өчен Татарстан Республикасы җитәкчелегенә рәхмәт сүзләрен белдерде.
Игорь Шувалов сүзләренә караганда, бер ел элек алар Татарстан Президенты Минтимер Шәймиев белән икътисади кризис алып киләчәк мөмкин булган проблемалар турында фикер алышканнар. Иң зур проблемаларның төзү өлкәсенә кагыласы фаразланган булган. Нәкъ менә шул вакытта Минтимер Шәймиев төзелеш сферасын капиталь төзекләндерүгә, сәнәгать һәм спорт объектларын төзүгә юнәлтергә тәкъдим иткән. Бүгенге 2009 ел нәтиҗәләре әлеге юнәлешнең дөрес сайлануын раслый.
Татарстан Республикасы төзелеш, архитектура һәм торак-коммуналь хуҗалык министрлыгы Марат Хөснуллин хәбәр иткәнчә, кризиска карамастан, бу ел төзелеш һәм торак-коммуналь хуҗалыгы тармагы өчен яхшы еллардан берсе булды. Универсиада объектларына, Түбән Камада нефть химиясе һәм нефть эшкәртү заводлары комплексына, “Алабуга” махсус икътисади зонасына, технопарклар төзелешенә, торак йортларны капиталь төзекләндерүгә – тулаем алганда төзелеш тармагына һәм республика икътисадына 2009 елда 150 млрд. акча җәлеп ителгән.
Республикада төзү-монтаж эшләре күләме (ТМЭ) 2008 ел белән чагыштырганда 16%ка арткан.
Республикада иң эре гамәлгә ашырылучы проект булып Түбән Камадагы “ТАНЕКО” проекты санала. Аның төзелешенә 150 дән артык подряд оешмасы җәлеп ителгән, бу мәйданда 7 мең төзүче эшли. Айлык ТМЭ башкару 2009 елда 2 млрд. сумга җиткән, 2008 ел белән чагыштырганда бу 4 тапкыр күп (2008 елда – 490 млн.). Агымдагы елда ТМЭ күләме 22,4 млрд. сум тәшкил итәчәк, шул исәптән тышкы инфраструктура объектларына – 10,0 млрд. сум тәшкил итәчәк.
Республикада төзелеш материалларын җитештерү күрсәткечләре дә артты.
2009 елда Татарстанда 2 млн.кв.метр яисә республиканың бер кешесенә 0,532 кв.м. күләмендә торак тапшырылган. Марат Хөснуллин билгеләп үткәнчә, әлеге күләм 1988 елның реформага кадәр булган максималь дәрәҗәдән артып киткән. Аның сүзләренә караганда, 2010 елда республика кулланышка шулкадәр үк күләмдә торак кулланышка керҗергә планлаштыра.
Әлеге тармак ярдәмне “Россия гражданнарына арзан һәм уңайлы торак” өстенлекле милли проекты буенча да алган. Барлык федераль торак программалары һәм Татарстан Республикасы бюджетыннан өстәмә финанслау юлы белән дәүләт ярдәме 2009 елда 8,7 млрд.сум тәшкил иткән.
Татарстан Республикасы Төзелеш, архитектура һәм торак-коммуналь хуҗалык министрлыгы башлыгы республикада ипотека кредитлавы күләмнәре кимүен билгеләп үтте. Аның сүзләренә караганда бүген ИТКА ипотека кредитлавына ярдәм күрсәтә торган мөһим инструментлар эшләп чыгарган, әмма алар регионнарга барып ирешмиләр.
Марат Хөснуллин төзелеш өлкәсендәге иҗтимагый эшләрдә 44668 кеше, яки барлык санның 17,1 %ы (260880 кеше) мәшгуль булганын искә төшереп үтте.