Татарстан Республикасы Хөкүмәте башлыгы Рөстәм Миңнеханов туры эфирда тамашачылар сорауларына җавап бирде

Бүген Татарстан Республикасы Премьер-министры Рөстәм Миңнеханов “Эфир” телеканалы студиясендә республика һәм Казан халкы сорауларына җавап бирде.
Тапшыру туры эфирда барды.
Аерым алганда, тамашачыларны күпфатирлы йортларга капиталь ремонт ясау мәсьәләләре, бигрәк тә, аның сыйфаты кызыксындырды. 2010 елда республикада капиталь ремонт программасы дәвам ителәчәк.
Татарстан Республикасы Премьер-министры 2010 елдан капиталь ремонт ясау өчен кертелә торган түләү (бер кв.метр мәйданнан 5 сум) максатчан булачагын, һәм аның тотылуы җитди рәвештә контрольдә тотылачагын вәгъдә итте.
“Муниципалитетлар киләсе елда капиталь ремонт ясауга үз гаризаларын инде тапшырдылар, - дип хәбәр итте Рөстәм Миңнеханов. – Шунысы мөһим: йортларның капиталь ремонт сыйфаты без куйган көчкә туры килергә тиеш.”
Тамашачылар биргән сорауларның алдагы сериясе коммуналь хезмәтләр өчен тарифлар артуына кагыла иде. Аерым алганда, 2010 елдан федераль нормативлар буенча каты көнкүреш калдыкларын (ТБО) чыгару һәм лифтлар өчен түләү кешедән (фатирда теркәлгәне) түгел, ә квадрат метрдан алыначак.
2009 елны Татарстанда Спорт һәм сәламәт яшәү рәвеше елы буларак үткәрү нәтиҗәләре турында сорауларга җавап биреп, Татарстан Республикасы Премьер-министры шул турыда хәбәр итте: Казан Россиянең спорт каласы дип аталырга тулы хокуклы һәм 2013 елгы җәйге Универсиада үткәрү урыны булып сайланды. Аның сүзләренә караганда, 2009 елда 2013 елгы Универсиада объектларында якынча 11 млрд. сум үзләштерелде, киләсе елда якынча 10 млрд. сум үзләштерү күздә тотыла.
Барлык әлеге акчалар – республика икътисадына, эш урыннарына кертем, халыкның сәламәт яшәү рәвешенә кертем, дип әйтте ул.
Бүгенге көндә Татарстан Республикасы күп позицияләр буенча Россиядә яхшылардан санала, күбесе монда башка урыннардан даими яшәү өчен килергә телиләр, дип әйтте Рөстәм Миңнеханов.
Татарстан Республикасы Премьер-министры Рөстәм Миңнеханов республиканың барлык халкына киләсе яңа елның уңай эмоцияләр һәм уңай нәтиҗәләр китерүен теләп калды.