Казанда 26 февраль көнне “Хәзерге заман тормыш иминлеген тәэмин итү проблемалары: тәҗрибә, проблемалар, чишү юллары” халыкара фәнни-гамәли конференциясе узачак

Бүген Татарстан Республикасы Премьер-министры Рөстәм Миңнеханов Татарстан Республикасы Хөкүмәт Йортында “Хәзерге заман тормыш иминлеген тәэмин итү проблемалары: тәҗрибә, проблемалар, чишү юллары” халыкара фәнни-гамәли конференциясен әзерләү һәм үткәрүне оештыру комитеты утырышын үткәрде.
Конференция 2010 елның 10 февралендә казанада үтәчәк, һәм анда катнашу өчен инде 150 дән артык гариза бирелгән. Тормыш иминлеген тәэмин итү проблемалары турында фикер алышырга Россия регионнары, ерак һәм якын чит ил, шул исәптән АКШ, Австрия, Израиль һәм башка ил вәкилләре киләчәк.
Милли куркынычсызлык, куркынычсызлык психологиясе һәм культурасы конференциянең төп юнәлешләре булачак.
Халыкара фәнни-гамәли конференцияне үткәрүгә әзерлек алып бару турында доклад белән Татарстан Республикасы Тышкы эшләр министрлыгы Юл хәрәкәте куркынычсызлыгы дәүләт инспекциясе идарәсе башлыгы Рифкать Миңнеханов чыгыш ясады.
Аерым алганда, ул конференциянең “Корстон” мәдәни күңел ачу комплексында үткәреләчәген, конференция кысаларында тормыш иминлеген тәэмин итү сорауларына багышланган күргәзмә эшләячәген хәбәр итте.
Күргәзмәдә катнашу өчен төрле компания һәм предприятиеләрдән 20 дән артык гариза бирелгән.
Бүгенге көнгә конференция символикасы ясалган, мәкаләләр җыентыгы әзерләнгән (җыентыкта 153 фәнни мәкалә, шул исәптән 11 инглиз телендә мәкалә урын алган).
Катнашучылар 25 февраль көнне кабул ителә башлыйлар. Халыкара фәнни-гамәли конференциясе ачылу 26 февральгә планлаштырылган. Бу көнне пленар утырыш үтәчәк, көннең икенче яртысында фәнни-гамәли секцияләр эшләячәк, белгечләр өчен мастер-класслар уздырылачак.
Секцияләрнең темалары түбәндәгеләр: милли куркынычсызлык; куркынычсызлыкның гуманитар проблемалары; куркынычсызлыкның медик-биологик аспектлары; куркынычсызлыкны тәэмин итү чаралары; эре шәһәрләрдә юл хәрәкәте куркынычсызлыгы һәм аны оештыру. Секцияләрнең модераторлары ролен Татарстан Республикасы профиль министрлыклары вәкилләре башкарачак.
“Хәзерге заман тормыш иминлеген тәэмин итү проблемалары: тәҗрибә, проблемалар, чишү юллары” халыкара фәнни-гамәли конференциясен әзерләү һәм үткәрүне оештыру комитеты конференциядә катнашу өчен Татарстан Республикасы Президенты Минтимер Шәймиев, Россиянең тышкы эшләр министры Рәшит Нургалиев, Россиянең гадәттән тыш хәлләр министлыгы башлыгы Сергей Шойгу, Россиянең транспорт министры Игорь Левитин, Федераль юл агентлыгы җитәкчесе Анатолий Чабунин кебек кнакларны чакырырга планлаштыра.
Конференцияне оештыручылар булып Татарстан Республикасы Министрлар Кабинеты, Татарстан Республикасы буенча Эчке эшләр министрлыгы һәм башка кызыксыну белдергән оешмалар торганын искә төшереп үтәбез.