Илдар Халиков: Чиләбе татарлары һәрвакыт бердәм һәм үз традицияләренә тугры булдылар

Чиләбе татарлары һәрвакыт бердәм һәм үз традицияләренә тугры булдылар. Бу хакта бүген Татарстан Премьер-министры Илдар Халиков “Татар кызы-2015” Бөтенроссия конкурсында катнашучылар белән очрашуда белдерде.

Сәхнәдән тамашачыларга мөрәҗәгать итеп, Илдар Халиков, бу конкурсның бик яхшы энергетика һәм оештыру эше белән аерылып торуын ассызыклады.
“Бу залда Россиянең төрле төбәкләреннән 7 меңнән артык кеше җыелган. Мин конкурсны оештыручыларга рәхмәт әйтергә телим, сез мондый уникаль, матур чаралар белән ана телен һәм үзебезнең мәдәниятне яратуны тагын да ныгытасыз”, - диде ул.

Илдар Халиков шулай ук Татарстан Президенты Рөстәм Миңнехановның сәламен укыды. “Татар кызы” Бөтенроссия конкурсының беренче финалы Көньяк Уралда узуы очраклы түгел. Чиләбе өлкәсе электән татар халкының мәдәният учакларының берсе булган. Без гасырлар дәвамында тупланган рухи байлыкны сакларга һәм арттырырга тиешбез. Ышанам, бу чара халыклар арасындагы үзара мөнәсәбәтләрне ныгытырга һәм Татарстан белән Чиләбе өлкәсе арасындагы хезмәттәшлекне үстерүгә ярдәм итәчәк”, - диелә текстта.

Алга таба Чиләбе өлкәсе губернаторының беренче урынбасары Евгений Редин һәм Чиләбе өлкәсе Татар конгрессы башкарма комитеты рәисе Лена Колесникова чыгыш ясады.