Рөстәм Миңнеханов Давоста Бөтендөнья икътисадый форумы сессияләрендә катнаша
Бүген Бөтендөнья икътисадый форумы 2016 чаралары кысаларында Давоста Татарстан Республикасы Президенты Рөстәм Миңнеханов «Дөнья тирәли ягулыксыз һәм куркусыз» (Congress Centre, Congress Hall) сессиясендә катнашты.
Искәртәбез, Рөстәм Миңнеханов Давоска (Швейцария) эш сәфәре кыла (19- 2016 елның 22 гыйнвары).
«Дөнья тирәли ягулыксыз һәм куркусыз» сессиясе кояш энергиясе ярдәмендә бертуктаусыз очу вакыты буенча дөнья рекорды куйган тикшеренүчеләргә багышлана.
Аннары чималга бәйле икътисадларда бөтендөнья икътисадый ситуациясенең бизнеска йогынтысы турындагы тикшеренүләргә багышланган «Файдалы казылмалар өчен яңа эра» сессиясе узды.
Форум кысаларында 300дән артык сессия булуы көтелә.
Бөтендөнья икътисадый форумы 2016 чараларында катнашу өчен иң югары звенодан 2,5 меңнән артык лидер җыелган, аерым алганда, 40тан артык дәүләт һәм хөкүмәт башлыгы, күп илләр компанияләренең меңгә якын җитәкчесе.
Давоста Россия делегациясен РФ вице-премьеры, Россия Федерациясе Президентының Ерак Көнчыгыш федераль округындагы Тулы вәкаләтле вәкиле Юрий Трутнев җитәкли. Форумда аерым секция бар – «Россия өчен фараз», анда Юрий Трутнев, РФ финанс экс-министры Алексей Кудрин, Внешэкономбанк башлыгы Владимир Дмитриев чыгыш ясаячак. Моннан тыш, сессияләрдә һәм панель дискуссияләрендә Ерак Көнчыгышны үстерү буенча РФ министры Александр Галушка, Сбербанк президенты һәм идарә рәисе Герман Греф, «Северсталь» Директорлар советы рәисе Алексей Мордашов, «Система» АФК Директорлар советы рәисе Владимир Евтушенков, «Роснано» җитәкчесе Анатолий Чубайс һәм башкалар чыгыш ясаячак.
Глобаль темалардан форумда климаттагы үзгәрешләр һәм мигрантлар проблемалары күтәреләчәк.