Татарстан Президенты Рөстәм Миңнеханов һәм Россия фәннәр академиясе вице-президенты Сергей Алдошин химия һәм нефтехимия өлкәсендә хезмәттәшлек итү турында сөйләште

Бүген ТР Президенты Рөстәм Миңнеханов Россия фәннәр академиясе вице-президенты Сергей Алдошин белән эшлекле очрашу үткәрде.

Очрашу ТР Хөкүмәт Йортында узды.

Сергей Алдошин һәм Рөстәм Миңнеханов Россия фәннәр академиясе һәм Татарстан Республикасының эре проектлары, химия һәм нефтехимия өлкәсендә хезмәттәшлек итү турында сөйләште.

Исегезгә төшерәбез: Татарстан Республикасының Россия фәннәр академиясе белән хезмәттәшлеге ТР Министрлар Кабинеты һәм Россия фәннәр академиясенең Фәнни-техник хезмәттәшлек турындагы килешүе һәм химия, нефтехимия һәм экология өлкәсендә 2004-2014 елларда хезмәттәшлек программасы кысаларында башкарыла. Документлар 2004 елның апрелендә Мәскәүдә имзаланган иде.

ТР нефть, газ һәм химия комплексы белән Россия фәннәр академиясе фәнни оешмалары арасындагы хезмәттәшлекне көйләү вазифасын "Татнефтехиминвест-холдинг" ААҖ башкара.

Бүген Рөстәм Миңнеханов һәм Сергей Алдошин газ химиясе өлкәсендә хезмәттәшлек итү турында сөйләште.

Россия фәннәр академиясенең нефтехимик синтез Институты директоры Сәламбәк Хаҗиев ТР нефть эшкәртү сәнәгатендә авыр нефть калдыкларын эшкәртү турында сөйләде.

Шулай ук, Россия фәннәр академиясе фәнни үзәкләренең Татарстанның нефть, газ һәм химия комплексы экологик проектларында катнашуы турында да сүз барды.

Яклар фәнни-техник хезмәттәшлек турында килешү төзергә, юнәлешләр буенча уртак эшлекле төркемнәр оештырырга сүз куешты.

Очрашуда Россия фәннәр академиясенең Казан фәнни үзәге рәисе, Арбузов ис. органик һәм физик химия Институты мөдире Олег Синяшин, ТР фәннәр академиясе президенты, Бөтенроссия углеводород чималы институты мөдире Әхмәд Әзһәров, "Татнефтехиминвест-холдинг" ААҖ генераль директоры Рафинат Яруллин катнашты.