ТР Президенты Рөстәм Миңнеханов FIFA Башкарма комитеты әгъзалары белән очрашты

2010 елның 21 июле, чәршәмбе
ТР Президенты Рөстәм Миңнеханов бүген Казан Кремлендә Халыкара футбол федерациясе (FIFA) Башкарма комитеты делегациясе белән очрашты.

FIFA әгъзалары - Хани Әбу Рида һәм Әхмәд Насер Мөхәммәд Татарстан башкаласына Президент Рөстәм Миңнеханов чакыруы буенча килде. Очрашу соңында ТР Президенты ярдәмчесе Искәндәр Мөфлиханов белдергәнчә, анда 2013 ел Универсиадасына әзерлек барышында сафка бастырылучы спорт объектлары, Казанда узачак Бөтендөнья җәйге студентлар спорты уеннары мирасын файдалану хакында сүз барган. Очрашуда шулай ук ТР яшьләр эшләре, спорт һәм туризм министры Рафис Борһанов катнашкан. Бу хакта ТР Президентының матбугат хезмәте хәбәр итә.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International