Таһир Хөрмәтуллин Менделеевски районы башкарма комитеты җитәкчесе итеп билгеләнде

Бүген Менделеевск муниципаль районы Советы утырышында Таһир Хөрмәтуллин районның башкарма комитет рәисе итеп билгеләнде.

Утырышта ТР Премьер-министры Илдар Халиков катнашты.

Исегезгә төшерәбез: 2010 елның 9нчы июлендә Менделеевск муниципаль районы Советының 39нчы утырышында Таһир Хөрмәтуллинга башкарма комитет җитәкчесе вазифалары йөкләнгән иде.
 
Таһир Хөрмәтуллин Татарстанның Тукай районы Чыршылы авылында туган. “Инженер-механик” белгечлеге буенча Казан авыл хуҗалыгы институтын тәмамлаган.
1977-1978 елларда – Татарстанның Тукай районы “Татарстан” совхозында яңа техника буенча инженер.
1978-1979 елларда – Казан трамвай -троллейбус идарәсе депосы мастеры.
1979-1980 елларда – Волгоград өлкәсенең Октябрь районы “Заливский” совхозы хезмәткәре.
1980-1986 елларда – “Татарстан” совхозының дуңгызчылык комплексы баш инженеры, гараж мөдире.
1986-1996 елларда – “Сосновоборский” совхозы директоры.
1996-2000 елларда – “Чаллы ит комбинаты” ААҖ генераль директоры.
2000-2002 елларда - “Сосновоборская” агрофирмасы” ААҖ генераль директоры.
2002 елның 26 февраленнән – Татарстанның Тукай районы хакимияте башлыгы.
2006 елдан – “Тукай муниципаль районы” муниципаль берәмлеге башлыгы.