Бүген Россия Федерациясе илкүләм гвардия гаскәрләре федераль хезмәтенең Татарстан Республикасы буенча идарәсенең 2025 елдагы эшчәнлегенә нәтиҗә ясадылар. Чарада Татарстан Республикасы Премьер-министры Алексей Песошин катнашты. Киңәшмәдә катнашучыларга сәламләү сүзе белән Татарстан Республикасы буенча Росгвардия идарәсе башлыгы Рөстәм Гомәров мөрәҗәгать итте. 2025 елда ведомство эшчәнлегенә багышланган фильм күрсәтелде.

Тарифларны җайга салу - дәүләт сәясәтенең стратегик коралы, ул барлык татарстанлыларның тормыш сыйфатын билгели һәм предприятиеләрнең инвестицион активлыгын саклап кала. Бу хакта Татарстан Премьер-министры Алексей Песошин 2025 ел нәтиҗәләре буенча Татарстан Республикасы Тарифлар буенча дәүләт комитеты коллегиясенең киңәйтелгән утырышында белдерде.

Татарстанда нинди Яңа ел чаралары узган, Казанда бәйрәмне ачык һавада ничә казанлылар каршы алган һәм чыршыларны кая тапшырырга мөмкин икәнлеге турында бүген Татарстан Республикасы Министрлар Кабинетында узган брифингта сөйләделәр. Яңа ел бәйрәмнәре чорында Татарстанда 8 меңнән артык тематик чара узды, дип хәбәр итте журналистларга ТР вице-премьеры Ләйлә Фазлыева.

2026 елның 13 гыйнварында Иннополиста балалар поликлиникасын ачу тантанасы узды. Яңа медицина объекты шәһәрнең педиатрия хезмәте мәйданын 2 тапкырдан артыкка киңәйтте, ә кабинетлар саны 3 тапкырга артты.​ Яңартылган бинада шулай ук бригада өчен аерым керү урыны булган тәүлек буе эшли торган ашыгыч ярдәм хезмәте урнашкан.