Рөстәм Миңнеханов газчылар өчен торак йортны тапшыру тантанасында катнашты

Татарстан Президенты Рөстәм Миңнеханов "Газпром трансгаз Казан" хезмәткәрләре өчен төзелгән 16 катлы 146 фатирлы торак йортны тапшыруда катнашты.

Бу тантаналы чарада Казан мэры Илсур Метшин, "Газпром трансгаз Казан" ҖЧҖ генераль директоры Рәфкать Кантюков та катнашты.
Заманча күп катлы торак йорт Казанның Совет районы Альберт Камалиев урамында урнашкан. Биредә социаль инфраструктура булдырылган – гомуми белем бирү мәктәбе, балалар бакчасы, кибетләр, машина кую урыннары, төзекләндерелгән ишегаллары.

Рөстәм Миңнеханов яңа йорттан фатир алучыларны котлап, мондый йорт төзү «Газпром» ААҖнең социаль өлкәне, үз хезмәткәрләренең торак шатларын яхшырту турында кайгыртучы компания икәнлегенә дәлил, дип билгеләп үтте.

Татарстан Президенты яңа фатир ачкычларын алучыларга гаилә бәхете һәм бәхетле балалар үстерүләрен теләде, алар өчен микрорайонда барлык шартлар булдырылган. Республика башлыгы тантаналы чарада катнашучыларга, 2010 елның 1 сентябрьдә, Казанга «Газпром» ААҖнең башлыгы Алексей Миллер килү кысаларында Бөгелмәдә дә газчыларга торак йорт тапшырылды дип искәртте.

Бүген тантаналы чарада Рәфкать Кантюков предприятие хезмәтәкрләренең шатлыгы зур дип белдерде. Аның сүзләренчә, икътисади кризис вакытында предприятиенең йортны төзеп бетерә алуы аеручы әһәмияткә ия. Бу йорт бер ел элек төзелә башлаган иде. «Газпром» ААҖ җитәкчелеге ягыннан ярдәм булу нәтиҗәсендә 2009 елда йорт төзелеш башлау турында карар кабул ителде, 2009 елның октябреннән 2010 елның августына кадәр төзелеш эшләре барды.

Татарстан Президенты һәм аны озатып йөрүче затлар яңа йорттагы фатирларны карады, яңа күчкән гаиләләрдә кунакта булды. Рөстәм Миңнеханов аларга телевизор һәм балаларга йомшак уенчыклар бүләк итте.