Татарстан Республикасы Хөкүмәте

Рөстәм Миңнеханов «Алабуга» МИЗга эш сәфәре кыла

2016 елның 7 ноябре, дүшәмбе

Бүген Татарстан Республикасы Президенты Рөстәм Миңнеханов «Алабуга» махсус икътисадый зонасына эш сәфәре белән килде.

Эш сәфәренең төп максаты – МИЗ территориясендә ике яңа завод төзи башлауга багышланган тантанада катнашу: «АйДжиЭс Агро» (компост җитештерү һәм шампиньон гөмбәсе үстерү) һәм «Август-Алабуга» (үсемлекләрне яклауның химик чараларын әзерләү).

Моннан тыш, Рөстәм Миңнеханов «Алабуга» МИЗ Күзәтүчеләр советының чираттагы утырышын уздырачак, анда дүрт яңа компаниянең махсус икътисадый зона резиденты статусын алуга гаризалары каралачак.

Шулай ук Татарстан Республикасы Президентының «РНМТК - Термик системалар» ҖЧҖ генераль директоры Артур Демьянченко белән очрашуы да планлаштырылган.

ТР Президенты Матбугат хезмәте, Булат Низамиев.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2025 ел

2024 елда Татарстан архивлары тарафыннан МХОдә катнашучылардан 1078 шәхси документ кабул ителде

Ватанны саклаучыларның батырлыгы һәм каһарманлыгы турындагы тарихи хәтерне саклау өчен Татарстан архивлары 2024 елда МХОдә катнашучылардан 1078 шәхси документ кабул итте. Бу хакта ТР Хөкүмәте Йортында узган брифингта ТР Архив эше буенча дәүләт комитеты рәисе Гөлнара Габдрахманова сөйләде.

март, 2025 ел

Иннополис Университеты һәм РТУ МИРЭА яңа белем бирү программаларын эшләүдә хезмәттәшлек итәчәк

Мәгариф, фән һәм технологияләр өлкәсендә хезмәттәшлек итү турындагы килешүгә Татарстан Республикасы Премьер-министры урынбасары Роман Шәйхетдинов барында Иннополис Университеты директоры Искәндәр Бариев һәм МИРЭА – Россия Технология университеты ректоры Станислав Кудж кул куйдылар.

Шамил Гаффаров: Муниципаль берәмлекләр юл хәрәкәте иминлеге линиясе буенча эшләп бетермиләр, бу хакта статистика да күрсәтә

Бүген Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гаффаров юл хәрәкәте иминлеген тәэмин итү буенча Татарстан Республикасы Хөкүмәт комиссиясе утырышын уздырды. Чара ТР Хөкүмәте Йортында видеоконференцэлемтә аша республиканың барлык муниципаль районнарын тоташтырып узды. Утырышта юл хәрәкәте иминлеген тәэмин итү буенча ТР Хөкүмәт комиссиясе әгъзалары, юл, автотранспорт комплексы, территориаль эчке эшләр органнары һәм юл хәрәкәте иминлеге дәүләт инспекциясе җитәкчеләре катнашты.

март, 2025 ел

ТР Министрлар Кабинетында узган брифингта билгеләнеше буенча файдаланылмый торган җир кишәрлекләрен милекчеләреннән тартып алырга мөмкин булган яңа закон турында сөйләделәр

Россиядә җир кишәрлекләрен милекчеләрдән тартып алырга мөмкин булган яңа закон эшли башлады, әгәр алар билгеләнеше буенча файдаланылмаса яки әйләнә-тирә мохиткә зыян китерсәләр. Шул ук вакытта мондый кишәрлекләрнең милекчеләренә җирне тәртипкә китерү өчен өч ел вакыт бирелә. Бүген Татарстан Республикасы Министрлар Кабинетында узган брифингта яңалыктан кемнәр зыян күрәчәге, кемнәрне яклавы турында фикер алыштылар.

ЯҢАЛЫКЛАРГА ЯЗЫЛУ